Luk 24:6 - Label

⁶ Bel ma kane, ka laun ulak. Mulor nuk pas a warwara ning ka atong tari ta mulo, ning i kes ot tumo e Galili.

Luk 24:6 ပူးပေါင်းရင်းမြစ်များ

Matiu 12:40

Arlar o e Jona i laun natol a pukakiar ting na balan a tnan sis, larka otleng ning a Nat a Barsan ir borbor pas natol a pukakiar tingui na piu.

Matiu 16:21

Turpasi ana pukakiar ning, e Iesu i atalapor anuna kakak a asaerla mang, ir han ot usaot e Jerusalem. Pa ir kilang a galis a mamahat miting na kun a ningnigola, a leklek a tena artabarla tetek e God, pa a tena asaerla tagun a warkurai, pa dir umkoli. Ning natol a pukakiar ir rop ir laun ulak.

Matiu 27:63

La atai i mang, “Leklek, mila nuk pas a warwara anuna tena asasongo ne. Ning kaning ot i laun, i atongi mang, ning natol a pukakiar ir rop, ir kamtur ulak.

Matiu 28:6

Bel i ma te. I ka kamtur ulak arlar ana nuna warwara. Mu han ute, mu oroi a pukna ning i borbor tar ono.

A Wakak a Warwara o e Iesu Karisito i tumusi 16:6

I atai ditol mange, “Gong mutol matmataut. A tasmani mang mutol tai sur e Iesu a te Nasaret, esining di sai ahat tari saot na rakai kutus. Bel i ma te, ka laun ulak. Mutol oroi a pukna ne di aborbor tari ano.

A Wakak a Warwara o e Iesu Karisito i tumusi 8:31

E Iesu i turpasi sur ir asaer anuna kakak a asaerla mange, “A Nat a Barsan ir kilang a galis a mamahat, pa a ningnigola, pa a leklek a tena artabarla tetek e God, pa a tena asaerla tagun a warkurai lar gilam ris kusuni pa dir umkoli. Ning natol a pukakiar ir rop ir laun ulak.”

Luk 24:34

La atongi mang, “I momol ot! A Leklek ka laun ulak, pa ka hanot pas tetek e Saimon.”

Luk 24:5

La matmataut pa la kes tudu, la suah purum a matanla ting na piu. Dia atongi tanla, “Sur asa ning mulo tai sur a lalauna te napir a minatla?

Luk 9:22

E Iesu i atongi tanla mange, “A Nat a Barsan ir kilang a galis a mamahat, pa a ningnigola, a leklek a tena artabarla tetek e God, pa a tena asaerla tagun a Warkurai lar gilam ris kusuni pa dir umkoli. Pa ning natol a pukakiar ir rop, ir laun ulak.”

Luk 9:44

“Mulor longor wakak a warwara ne: Dir saran tar a Nat a Barsan uting na kuna taraila.”

Aposel 2:24

Ika e God i akamtur ulak pasi, pa i kepsen a kankan ona minat kusuni, anasa a minat bel i toh pasi sur ir tong akesi.

2 Tesalonika 2:5

Ning a kes taum o mulo, a sira atai mulo ana ututnala ne. Mangasa, bel mulo nuk pasi?