Luk 24:27 - Label

²⁷ Turpasi ana bukla ane Moses pa a propetla, e Iesu i papak tetek diau ana ututnala rop di ka tumus tari onoi ot ting na Buk Tabu.

Luk 24:27 ပူးပေါင်းရင်းမြစ်များ

A Wakak a Warwara o e Iesu Karisito i tumusi 4:34

pa bel i warwara tetek la ana ta maskan a warwara, a warwara larlar rop ka. Pa ning la kama taum ana nuna kakak a asaer lar kes, ir papak bot ana kamkama warwara larlarla.

Luk 24:25

Pa e Iesu i atongi tandiau, “Mu longlong ka, bel mu tortorot kapit ana warwarala rop ning a propetla ka atong tari.

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Jon 1:45

E Pilip i pastetek pas e Natanael, pa i atai i mange, “Mila ka pastetek pas a Karisito ning e Moses i warwara nigo tar ono ana Buk a warkurai, pa propetla otleng la ka warwara nigo tar ono ana nunla na tumtumus, i e Iesu a te Nasaret, a nat e Josep.”

Jon 12:41

E Aisaia i atongi larne, anasa ka oroi nigon tar a matatar ane Iesu, pa i warwara onoi.

Jon 5:37

Pa e Tata, ning i sune iau ute, i ot ka warwara talapor tar hok. Bel mulo longor a elngena, pa bel mulo oroi tar a matana otleng.

Jon 5:39

Mulo sira was wakak a Buk Tabu, anasa mulo nuki mang mulor kibas a lalaun tikin ono. Ika a Buk Tabu otleng i warwara talapor ka hok!

Aposel 10:43

A propetla rop la warwara o e Iesu, mang esining i tortorot onoi, dir kepsen anuna na toltol laulaula ana risana.”

Aposel 3:18

Ika ana ututnala ne mulo toli, e God i tolsot pas a ututnala ning ka atong tari nating ana warwara anuna propetla rop mang anuna Karisito ir mat.

Aposel 3:22

Anasa e Moses i atongi mang, ‘A Leklek anumulo a God, ir sune ta propet i arlar hok tetek mulo, miting na numulo a mangis a tarai. Mulor longor a ututnala rop ning ir atongi ta mulo.

Aposel 3:24

“A propetla rop ning la warwara ana warwara ane God, turpasi o e Samuel, pa la ning la hanot lamur tana, la warwara nigo ana pukakiarla ne.

Aposel 7:37

E Moses ot ning i atai tar a tarai Israella mang, ‘E God ir saran ta propet arlar hok tagun anumulo a mangis a tarai ot.’ Lo 18:15

Aposel 8:35

Pa e Pilip i turpas a papak teteki. I atai i ana Wakak a Warwara o e Iesu, turpasi ot ana buk ning a te Itiop i wasi.

Tatatai 19:10

Lamur a punga hanrawai napir naur a hana suar lotu teteki. Ika i atai iau mang, “Gong! Iau otleng a tena titol oros ka lar u pa na tastasim ning la tong akes a warwara talapor o e Iesu. Ur lotu tetek e God! Anasa a warwara talapor o e Iesu i akamtur a tarai sur lar warwara na propet.”