Luk 20:17 - Label

¹⁷ Pa e Iesu i oroi la, pa i atongi mang, “Ning mulo nuki larne, asa kamkama warwara ne di ka tumus tari ting na Buk Tabu? ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono, i wakak tana hatatla rop.’ Buk Song 118:22

Luk 20:17 ပူးပေါင်းရင်းမြစ်များ

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

A Wakak a Warwara o e Iesu Karisito i tumusi 10:23

E Iesu i gilam taltal tetek anuna kakak a asaerla pa i atai la mang, “I ngangitin kol tetek a tena gongonla sur lar kas uting na matanitu ane God.”

A Wakak a Warwara o e Iesu Karisito i tumusi 12:10

Mangmangasa, bel mulo was a warwara ne ting na Buk Tabu? I atongi mange, ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono.

A Wakak a Warwara o e Iesu Karisito i tumusi 3:5

E Iesu i tai taltal ana balakut tetek la. I nukmaris la anasa la tagar a nuknukinla. Pa i atai a barsan ning mang, “Ur kodos a kum.” I kodosi, pa a kuna i tostos ulak.

Luk 19:41

Ning e Iesu i milau e Jerusalem pa i oroi i, i tangis ono, pa i atongi,

Luk 22:37

A atongi ta mulo, dir tolsot pas a tumtumus ne hok, ‘Di atong taum la ana tena laulaula.’ Ais 53:12 Anasa a ututnala ne di ka tumus tari hok, milau dir tolsot pasi.”

Luk 22:61

A Leklek i talingir, i tai tostos tetek e Pita, pa e Pita i nuk pas a warwara anuna Leklek ning ka atong tari tana mang, “Onone, ning a kok belot ir kurkurirakuk ur puai munatol mang bel u tasman iau.”

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Jon 15:25

Di toli larne, sur dir tolsot pas a warwara di ka tumus tari ana Buk na warkurai mange, ‘La nget iau, pa bel ta kamkamna.’ Buk Song 35:19

Aposel 4:11

E Iesu ‘A hat ning mulo na tena tol rumai mulo kepseni, i ot ning a wakak a hat kes, ning di tol a rumai saot ono, i wakak tana hatatla rop.’ Buk Song 118:22

Epeses 2:20

Mulo a rumai ane God, ning di aturi saot na aposella pa propetla. La a kama rumai, pa e Karisito Iesu ot, a wakak a hat kes, ning di tol a rumai saot ono.

1 Pita 2:6

Larning di ka tumus tari ting na Buk Tabu larne, “Oroi i, ia ka suah tar a hat saot e Saion. A hat ning a aslang pasi sur ir a wakak a hat kes, ning di tol a rumai saot ono. Pa esining ir tortorot onoi, anuna tortorot bel ir ame i.” Ais 28:16