Luk 2:36 - Label

^36-38 Pa ning a hane, a propet, a risana e Ana, ano otning i hanot tetek ditol. A hane ne a nat e Panuel, tagun a mangis a tarai e Aser. Ka wan laulau, ka siwal a bonot pa pisir diat a rau anunai pa ka lao. Dia taulai pas ka mais a rau pa lamur anuna barsan i mat. A hane ne bel i han kusun a rumai a artabar, i lotlotu ana kamkamis pa ana morom, i sira tamai pa i sira nunung. Ning i hanot tetek ditol i atong wakak tetek e God, pa i warwara ana kaklik tetek la rop ning la harnanai sur e God ir alaun pas a tarai Jerusalem.

Luk 2:36 ပူးပေါင်းရင်းမြစ်များ

Luk 2:35

Ning lar bilbilori dir atalapor a nuknuk tagun a balana a galis a tarai. Pa u, a bal mamahat ning ur kilangi ir arlar ana liwan na harum ning ir so anuma lalaun.”

Aposel 2:18

Ana pukakiarla ning, ar saran a Inguk tetek la otleng anuk na tena titol oros a taraila pa gurarala, pa lar warwara na propet.

Aposel 21:9

A barsan ne, diat a nat na hane, ning bel la taulai pa la sira warwara na propet.

1 Korin 11:5

Ning ta hane ir nunung o ir warwara na propet, pa bel i pol alar a pukulna, i ame a pukulna. I arlar larning di ka kas rop sen a hih a pukulna.

1 Korin 12:1

Na tastasik, onone ar atai mulo ana artabarla anuna Talngan Tabu, anasa a mang sur mulor talapor ono.

1 Timoti 3:2

Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

1 Timoti 5:9

Gong u tumus akes a risana laola ning belot i diono na bonot a rau anunla sur a tarai a lotu lar nangan la. Lar nangan ka a ngas a hane ning i taulai ka takai a barsan,

Tatatai 7:6

12 a rip miting a mangis a tarai Aser, 12 a rip miting a mangis a tarai Naptali, 12 a rip miting a mangis a tarai Manase,