Luk 2:35 - Label

³⁵ Ning lar bilbilori dir atalapor a nuknuk tagun a balana a galis a tarai. Pa u, a bal mamahat ning ur kilangi ir arlar ana liwan na harum ning ir so anuma lalaun.”

Luk 2:35 ပူးပေါင်းရင်းမြစ်များ

Luk 2:34

E Simion i angangis ditol, pa i atai e Maria, tana e Iesu, mang, “A kaklik ne, e God i aslang pasi sur a galis a tarai Israel lar hirua onoi pa a galis otleng lar laun onoi, pa i a akinalang ning a galis a tarai lar bilbilori.

Luk 2:36

Pa ning a hane, a propet, a risana e Ana, ano otning i hanot tetek ditol. A hane ne a nat e Panuel, tagun a mangis a tarai e Aser. Ka wan laulau, ka siwal a bonot pa pisir diat a rau anunai pa ka lao. Dia taulai pas ka mais a rau pa lamur anuna barsan i mat. A hane ne bel i han kusun a rumai a artabar, i lotlotu ana kamkamis pa ana morom, i sira tamai pa i sira nunung. Ning i hanot tetek ditol i atong wakak tetek e God, pa i warwara ana kaklik tetek la rop ning la harnanai sur e God ir alaun pas a tarai Jerusalem.

Jon 19:25

Tana e Iesu i tur milau a rakai kutus ane Iesu, taum o e tasna hane, pa e Maria otleng a hane anune Kilopas, pa e Maria Magdalen.

1 Korin 11:19

Anasa a tarai a lotu lar taptapagal ot, sur dir oroi lalan la ning la tostos, pa la otleng ning la rongo.

1 Jon 2:19

Na hirua ane Karisito la lasan taum ondala, ika la ka han, anasa la bel tagun dala momol. Ngandek ning la tagun dala momol, lar kes tikin taum ondala. Ika anunla tinan kusun dala i asangani mang la bel tagun dala.