Luk 18:19 - Label

¹⁹ E Iesu i kelesi mang, “Sur asa ning u atong iau mang a wakak? Bel tik i wakak, e God ka.

Luk 18:19 ပူးပေါင်းရင်းမြစ်များ

Luk 1:35

A angelo i kelesi mang, “A Talngan Tabu ir kes hom, pa a rakrakai e God ir poroi alar u. Larning a Tena Totoh ning ur agon pasi, dir atongi mang a Nat e God.

Luk 11:13

Mulo na laulau a tarai, mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit, ir saran a Talngan Tabu tetek la ning la nunungi.”

Luk 18:18

Ning a ningnigo i deken e Iesu mang, “Wakak a Tena Asaer, asaning ar toli sur ar kibas a lalaun tikin?”

Luk 18:20

U tasman a warkuraila: ‘Gong u tol a toltol laulau ana ta hane anuna tik o ta barsan anuna tik, gong u umkol tik, gong u kinkinau, gong u artitiu asasongo, ur hanrawai e tamam pa e tnam.’” Kisim Bek 20:12-16

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Hibru 7:26

E Iesu i a ningnigo na tena artabar, ning i sira nangan dala. I totoh namatana e God, bel dir arup sot pasi on ta rongo, pa bel ta dur namatana e God. E God i akes maskan tari kusun a laulau a tarai, pa i alekleki tisaot na langit.

Jems 1:17

Na wakak a artabar rop, ning la tostos, la han purum misaot na langit. La hanot ta e Tata, esaning i akes a kamis, a kalang pa a nangnangla. Ika e Tata bel i arkeles pa bel i ries a magirana lar a kamis, ning i sasai ana kabakiar pa morom bel.