Luk 14:24 - Label

²⁴ A atai mulo, bel tik ta halinla, ning di nunung nigon tar la, ir hangan ana nuka ngasa.’”

Luk 14:24 ပူးပေါင်းရင်းမြစ်များ

Matiu 21:43

I maining a atongi ta mulo mang, dir rakan sen a matanitu ane God kusun mulo, pa dir saran tari tan al tarai ning lar suah a wakak a wanala ning i sot.”

Matiu 22:8

“I atongi tana anuna na tena titol oros mang, ‘Di ka sang tar a ngasa na taulai, ika la ning ia ka atai nigon tar la, bel la tostos sur lar kes ana ngasa.

Luk 14:23

A leklek i atai a tena titol mang, ‘Ur han sur a tatatnan ngas pa a nanatar a ngas ting na bual, pa ur angongos pas a taraila sur lar kas, sur anuka rumai ir bukus.

Luk 14:25

A tnan kunum a tarai la armuri taum o e Iesu. I talingir tetek la pa i atai la mang,

Jon 3:19

Ine a kamkama warkurai ning e God i sarani: A talapor ka hanot ana rakrakan hanua, ika a tarai la mang ka sur a mormorom pa a talapor bel, anasa anunla toltol i laulau kol.

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Jon 8:21

E Iesu i atai ulak a taraila mange, “Ar han kusun mulo, mulor tai sur iau, pa mulor mat taum ana numulo na toltol laulaula. A hanua ning ar han suri, bel mulor han lar pas tingia.”

Jon 8:24

Ine a kamkamna ning a atai mulo mang mulor mat ana numulo na toltol laulaula. Ning bel mulo tortorot hok mang iau ot ne, mulor mat taum ana numulo na toltol laulaula.”

Aposel 13:46

Ika bel dia matmataut pa dia keles la mange, “Wakak mia ka atalapor nigon tar a warwara ane God ta mulo. Ika ning bel mulo kibasi pa mulo san alar pas mulo sur gong mulo los a lalaun tikin, onone, miar han tetek a tarai ning bel a tarai Juda.