Luk 12:42 - Label

⁴² A Leklek i kelesi mange, “Esi na tena titol ning i momol ana nuna titol pa i tastasman otleng? A tena titol ning, anuna leklek ir akes tari sur ir ningnigo ting na nuna rumai, sur ir tamtabar a tena titolla ana utna na hangan anlai ana taem a hangan.

Luk 12:42 ပူးပေါင်းရင်းမြစ်များ

Matiu 13:52

Pa e Iesu i atai la mang, “Na tena asaerla rop tagun a warkurai, ning la ka asaer pas ana matanitu misaot na langit, la arlar ana barsan ning i gon a wakak a ututnala ting na nuna rumai. Pa i apurum a wakak a ututnala ning, kusun anuna rumai sur ir titol onoi, dingla na utna, na tona, pa dingla otleng, na turaina.”

Matiu 20:8

“Ning ka rah morom, a tamana barim a wain, i atongi tana ningnigo tagun anuna tena titolla mang, ‘Kabah pas a tena titolla ute, pa ur tokom la. Ur turpasi sur tokom nigon la ning la hanot murmur pa ir han tuk onla ning la hanot nigo.’

Luk 12:43

A tena titol ning, ir angis ning anuna leklek ir hanot pa ir oroi mang i tolsot anuna titolla.

Luk 7:13

Ning a Leklek i oroi a hane ning, i marisi pa i atai i mang, “Gong u domos.”

Luk 7:19

pa i sune diau tetek a Leklek sur diar dekeni mang, “U ma, ning di warwara nigo tar hom mang ur hanot, o milar harnanai ot sur tik?”

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

1 Timoti 3:15

Pa ning bel ar hanot kapit, u ka tasman a toltol ning a tarai ane God lar toli na arpotor tanla. A tarai a lotu ane God ning i laun, la arlar ana pos pa a kama rumai ning la arakrakai a momolna.

1 Timoti 5:17

I wakak ning a ningnigola ana lotu ning la titol wakak ana titol, dir saran a hanrawai pa a wakak a arlou tetek la. Dir toli larning tetek la ning la titol rakrakai ana warawai pa asasaer.

2 Timoti 4:2

Ur warawai ana Wakak a Warwara, ur rakrakai onoi ana pukakiar ning a taraila la mang sur lar longor u, pa a pukakiar ning bel la mang suri. Ur atostos a taraila, ur atalapor anunla rongo tetek la pa ur arakrakai la. Ning ur toli larne, ur titol taum ana molmol a toltol pa ur asaer wakak la.

Taitus 1:7

A ningnigo ana lotu, i ot a tena tai alar ana titol ane God, pa i wakak ning i a ngas a barsan larne: bel di arup sot pasi on ta rongo, gong i aitna pasi, gong i sira balakut kapit, gong i a tena gang, gong i a tena harum, pa gong i muk pa i nuknuk sur a tnan mani.

Hibru 13:17

Mulor longor tetek anumulo na ningnigola, pa mulor anatarna mulo nahai a nunla na warkurai, anasa la tai alar mulo, pa lamur lar warwara talapor namatana e God ana nunla titolla tetek mulo. Mulor longor tanla sur lar gas ana nunla titolla, pa bel lar titol taum ana bal mamahat. Anasa ning la titol taum ana bal mamahat bel ir nangan mulo.

Hibru 13:7

Mulor nuk pas anumulo na ningnigo, ning nating la asaer mulo ana warwara ane God. Mulor nuk pas anunla ngas a lalaun, pa mulor mur anunla tortorot.

Hibru 3:5

E Moses, i a tena titol oros ane God, pa i momol ana nuna titol ting na rumai ane God. I warwara talapor nigo tar ana ututnala ning e God ir warwara talapor ono lamur.

1 Pita 4:10

E God ka saran tar na artabar tetek mulo taktakai miting na urmatana artabarla. Pa ir wakak sur mulor titol wakak onoi, sur mulor nangan artalai mulo.