Luk 11:9 - Label

⁹ “Onone a atai mulo, mulor nunung pa dir tabar mulo, mulor sereni pa mulor pasteteki, mulor pinpidir pa dir sapang pas mulo.

Luk 11:9 ပူးပေါင်းရင်းမြစ်များ

Matiu 21:22

Ning mulo tortorot, a ututnala rop ning mulo nunung suri, mulor kibasi.”

Matiu 21:31

Esi na halindiau ning i longor ta e tamandiau?” La kelesi mang, “A ningnigona.” E Iesu i atai la mang, “A atong momoli ta mulo, na tena los totokom pa a pamuk a gurarala, kaning la kas ting na matanitu ane God lanigo ta mulo.

Matiu 6:29

Ika a atongi ta mulo, e King Solomon ot ning anuna mermer rop i tai wakak, ika bel i tai wakak arlar ana purpurla ning.

A Wakak a Warwara o e Iesu Karisito i tumusi 11:24

Manglarning a atongi ta mulo a ututnala rop ning mulo nunung suri, mulor tortorot ka mang di ka saran tari ta mulo, pa dir saran tari ot.

A Wakak a Warwara o e Iesu Karisito i tumusi 13:37

Asa ning a atai mulo ono, ar atai a taraila otleng mang: Mulor tai alar mulo!”

Luk 11:10

Anasa la rop ning la nunung dir tabar la, pa esining i sereni ir pasteteki, pa esining i pinpidir, dir sapang pasi.

Jon 14:13

Pa ututnala rop ning mulo nunungi ana risak, ar tolsot pasi, sur e Natnalik ir saran a matatar o e Tamana.

Jon 15:16

Bel mulo aslang pas iau, iau ot a aslang pas mulo. Pa a saran a titol ta mulo sur mulor han pa mulor wai, pa a waimulo ir kes tikin. Pa e Tata ir tabar mulo ana ututnala rop mulo nunung suri ana risak.

Jon 15:7

Ning mulo patap hok, pa anuka warwara ir laun o mulo, mulor nunung sur ta utna mulo mang suri, pa dir sarani ot ta mulo.

Jon 4:10

Ika e Iesu i kelesi mange, “Ning u tasman a artabar ane God, pa u tasman otleng esaning i nunung u sur al malum, ur nunungi, pa ir tabar u ana malum a lalaun.”

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

2 Korin 6:2

Anasa e God i atongi mang, “Ning a taem ka sot, a longor u, Pa ana pukakiar ning a alaun u, a nangan u.” Ais 49:8 Oroi, onone, a taem ka sot, onone a pukakiar ning e God i alaun pas mulo.

Hibru 11:6

Ning tik bel i tortorot, e God bel ir gas lar pas onoi. Anasa esining i mang sur ir han tetek e God, ir tortorot mang e God i kes, pa ir tortorot otleng mang e God ir saran a arlou tanla ning la tai momol suri.

Hibru 4:16

I maining dalar han tetek e God, anundala King, a tena marmaris, pa gong dala matmataut. Dalar han teteki sur dalar tong akes anuna marmaris, ning ir nangan dala ana nundala na mamahat.

Jems 1:5

Ning tik o mulo i kapan sur a mananos, i wakak ning ir nunung e God suri. Pa e God ir tabari onoi, anasa i sira tamtabar dala rop, pa bel i sira san alar ta utna. Pa bel i sira balakut tetek tik ning i nunungi.

Jems 5:15

A nunung ning i han taum ana tortorot, ir alangolango esining i sasam, pa a Leklek ot, ir alangolango ulak pasi. Pa ning ka tol tar a toltol laulau, a Leklek ir kepseni.

1 Jon 3:22

Pa ututnala rop ning dala nunungi tana, i sarani tan dala, anasa dala longor ana nuna na warkuraila, pa dala tol a utna ning i gas onoi.

Tatatai 2:24

Ika mulo tingia e Tiatira ning bel mulo mur a asaer ane Jesabel, pa bel mulo mur a ututnala ne di atongi mang a rakrakai a utna na pidik ane Satan, a atongi tamulo mang, bel ar suah ulak tar ta mamahat saot o mulo.