Kolosi 3:20 - Label

²⁰ Kakakla, mulor longor tana tamtamamulo pa na kabatnamulola ana ututnala rop, anasa a Leklek ir gas ning mulor sira toli larning.

Kolosi 3:20 ပူးပေါင်းရင်းမြစ်များ

Matiu 19:19

ur hanrawai e tamam pa e tnam,’ Kisim Bek 20:12-16 pa ‘ur mang sur a halim larning u mang sur u ot.’” Liwai 19:18

Epeses 5:24

A tinaulai a hanela lar anatarna pas la tetek anunla na tarai ana ututnala rop, arlar ana tarai a lotu la anatarna pas la tetek e Karisito.

Pilipai 4:18

Ia ka kibas pas a ututnala rop pa i itna kol, i itna tana nuk a kapan. Bel ma a kapan sur ta utna, anasa a ututnala ning mulo saran seni, ia ka kibas pasi ta e Epaproditus. I arlar ana artabar tetek e God ning i tomtoboh wakak, ning e God i gas onoi pa i mang kol suri.

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

Kolosi 3:22

Mulo na tena titol oros, mulor longor tetek anumulo na ningnigo mite lapiu ana titol rop. Gong mulo titol wakak ka ning la oroi mulo, sur mulor agasgas tar la ka. Mulor titol wakak tetek la ana momolna ting na balamulo, pa hanrawai tetek a Leklek.

Taitus 2:9

Ur atai na tena titol oros sur lar longor anunla na ningnigo, pa lar agasgas la ana titolla rop ning la toli, pa gong la balu warwara.

Hibru 13:21

A nunung e God sur ir tabar mulo ana wakak a ututnala rop, sur mulor mur a nuknukna. A nunung otleng, mang ana titol ane Iesu Karisito, e God ir awakak dala arlar ot ana nuknukna. Dalar atong leklek pas e Iesu Karisito, bel ir rarop pa bel ir rarop. Amen.