Kolosi 3:16 - Label

¹⁶ I wakak ning a warwara ane Karisito ir kes tingui na balamulo pa ir bukus. Pa mulor asaer artalai mulo onoi, pa mulor arakrakai artalai mulo otleng onoi, taum ana tastasman rop. Pa mulor saksak otleng onoi ning mulo saken a Saksakla ane Dewit, pa na saksak a lotu, pa na saksak ning a Talngan Tabu i tabar mulo onoi. Pa mulor saksak ana atong wakak tetek e God tingui na balamulo.

Kolosi 3:16 ပူးပေါင်းရင်းမြစ်များ

Matiu 26:30

Ning la ka saken tar a saksak a lotu, la han usaot na Mangir Oliw.

Luk 2:51

Lamur ditol ulak utumo e Nasaret, pa i sira longlongor kol tan diau, pa e tana i nuk akes a ututnala rop ning.

Jon 15:7

Ning mulo patap hok, pa anuka warwara ir laun o mulo, mulor nunung sur ta utna mulo mang suri, pa dir sarani ot ta mulo.

A Pas ane Pol tetek a tarai Rom 10:17

I maining a tortorot i hanot tetek a tarai ning la longor a Wakak a Warwara. A warwara ning la longori, a warwara ot ane Karisito.

A Pas ane Pol tetek a tarai Rom 15:14

Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

1 Korin 14:15

Asa ar toli? Ar nunung ana inguk, par nunung otleng ana nuknukik. Ar saksak ana inguk, par saksak otleng ana nuknukik.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

Epeses 1:17

A sira nunung mang e God anuna Leklek anundala e Iesu Karisito, a Tamandala ning i bukus ana matatar, ir tabar mulo ana tastasmai miting tana Talngan Tabu, pa ir atalapor a nuknukimulo, sur mulor tasman wakak e God.

Epeses 5:17

Larning, gong mulo longlong, ika mulor tasman a nuknuk anuna Leklek.

Epeses 5:19

Pa mulor awara artalai taum ana saksak miting na Saksakla ane Dewit, na saksak a lotu, pa saksakla ning a Talngan Tabu i tabar mulo onoi. Pa mulor saksak taum ana warwara leklek ting na balamulo tetek a Leklek.

Epeses 5:26

sur la anuna tarai momol. Pa i gos totoh la ana malum pa anuna warwara.

Kolosi 1:28

Mila warawai o e Karisito tetek a taraila rop. Mila atumarang la pa mila asaer la ana tastasman rop, sur milar saran tar la rop tetek e God, pa lar tostos rop, anasa la kaning o e Karisito.

Kolosi 1:9

Ine a kamkamna mang bel mia manah ana nunung sur mulo, turpasi ana pukakiar ning mia longor a warwara o mulo. Mia sira nunung e God sur ir abukus tar mulo ana tastasmai sur mulor tasman a nuknukna, pa a tastasmai pa wakak a nuknuk rop ir kes o mulo, ning a Talngan Tabu i sira artabar ono.

Kolosi 4:6

Ning mulor warwara tetek a tarai, anumulo na warwara ir wakak, pa ir agasgas la, sur mulor saran a tostos a arkeles ana kabah anunla taktakai.

1 Tesalonika 1:8

A warwara anuna Leklek ning mulo apuasa i ka han sarara, arlar ana tinangis ana garamut, ning i han bakbak. Belsur ting ka e Makedonia pa e Akaia. A hananuala rop la ka tasman anumulo a tortorot o e God. Manglarning, asa kale ning mitol ar atongi?

1 Tesalonika 4:18

I ma ining, mulor arakrakai artalai mulo ana warwara ne.

2 Tesalonika 3:15

Ika gong mulo oroi larning anumulo a hirua, mulor atumarang pasi ka arlar larning a tasimulo.

1 Timoti 6:17

Ur atumarang la ning la tong akes a galis a ututnala te na rakrakan hanua sur gong la aleklek pas la ot. Pa gong la tortorot ana mani ning ir rarop ka. Lar tortorot ka o e God, ning i tabar dala ana wakak a ututnala rop sur dalar gas onoi.

2 Timoti 3:15

pa u tasman a Buk Tabu turpasi ning u kaklik ot. A Buk Tabu i tolsot pasi sur ir atastasman u, sur ur tortorot o e Karisito Iesu, pa e God ir alaun pas u.

Taitus 3:6

E God i tabar dala ana Talngan Tabu, ning i pek rakrakai koli saot ondala, pa dala bukus onoi, anasa ana titol ane Iesu Karisito, anundala a Tena Alaun.

Jems 1:5

Ning tik o mulo i kapan sur a mananos, i wakak ning ir nunung e God suri. Pa e God ir tabari onoi, anasa i sira tamtabar dala rop, pa bel i sira san alar ta utna. Pa bel i sira balakut tetek tik ning i nunungi.

Jems 3:17

Ika esining i tong akes a mananos misaot na langit, a ningnigo na utna anuna lalaun ir totoh. Pa ir tena bal molmol otleng, pa ir sira nuk pas a tarai masik, pa ir sira longor, ir bukus ana marmaris, pa ir suah a wakak a wana ting na nuna lalaun, bel ir purpurngis, pa bel ta asasongo ting na nuna lalaun.

Jems 5:13

Ning tik o mulo i kilang a mamahat, i wakak sur ir nunung. Ning tik i gasgas, i wakak sur ir saken a saksakla na aleklek e God.

1 Jon 2:14

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo rakrakai, pa a warwara ane God i kes ting na balamulo, pa mulo ka tolsot pas e Satan.

1 Jon 2:24

I wakak ning a asasaerla rop ning mulo longor tari nating ot ir laun o mulo. Ning i laun o mulo, mulo otleng mulor laun o e Natnalik, pa o e Tamana.

1 Jon 2:27

A Talngan Tabu ning e Karisito i saran tari tetek mulo, i patap o mulo, pa bel mulo kapan sur tik ir asaer mulo. Anasa a Talngan Tabu i asaer mulo ana ututnala rop. Pa a utna ning i asaer mulo ono i momol, pa bel i asongo. Mulor nuk akes a asasaer ne sur mulor patap o e Karisito.

2 Jon 1:2

Mila mang sur mulo anasa ana momolna ning i laun ondala, pa ir kes tikin taum ondala.

Tatatai 14:3

La saken a tona saksak salanigo na keskes a king, pa diat a lalaun na akakes pa a ningnigola. Bel tik ir tolsot pas suir asaer ana saksak ne. 144 a rip ning di ka lou alangolango pas la mite na rakrakan hanua, la ka lar tolsot pasi.

Tatatai 15:3

La saken a saksak ane Moses, a tena titol oros ane God, pa saksak ana Nat a Sipsip mang, “Leklek e God u rakrakai kol, anum na titol la itna pa di kulkulan kol on la. U a King ana mangis a tarai rop, anum na toltol la tostos pa la momol.

Tatatai 19:10

Lamur a punga hanrawai napir naur a hana suar lotu teteki. Ika i atai iau mang, “Gong! Iau otleng a tena titol oros ka lar u pa na tastasim ning la tong akes a warwara talapor o e Iesu. Ur lotu tetek e God! Anasa a warwara talapor o e Iesu i akamtur a tarai sur lar warwara na propet.”

Tatatai 5:9

Pa la saken a tona saksak larne, “U ot u tostos sur ur kibas pas a buk pa ur pilik sen na bulit kusuni, anasa di um kol u, pa u lou lingir pas a tarai tetek e God ana sulukim, a tarai tagun a mangis a tarai rop, a tarai tagun na urmatana ngas a warwara rop, a tarai mite na hananuala rop pa a tarai tagun a matanitula rop.