Kolosi 2:8 - Label

⁸ Mulor tai alar mulo, sur gong tik ir dot akes mulo ana tastasman anuna tarai ka, a asasaerla oros ka, pa a asasongo ka. A tastasman ning i hanot ka miting na asaerla ana tumtubunla nating pa miting na ingun laulaula mite na rakrakan hanua, pa bel ta e Karisito.

Kolosi 2:8 ပူးပေါင်းရင်းမြစ်များ

Matiu 10:17

Mulor tumarang mulo, anasa a tarai lar saran tar mulo tetek a tena warkuraila, pa lar miras mulo ting na nunla na rumai lotu.

Matiu 16:6

E Iesu i atai la mang, “Mulor tumarang ana is anuna Parisaiola pa a Sadusila.”

Matiu 7:15

“Mulor tumarang ana asasongo na propetla. La sira han tetek mulo ana wakak a gininla arlar ana sipsipla, ika tingia na balanla, la mang sur lar alaulau mulo arlar ana ngalngalia na papla.

Aposel 17:18

A tena tastasmanla ana asasaer anuna kunum Epikurian pa kunum Stoik la harum na warwara taum o e Pol. Dingla na tarai la deke mang, “Asa ine a tena aregaia oros ne i atai dala ono?” Pa dingla otleng la atongi mange, “Ngandek i atai dala ana tona godla tagun ta hanua masik.” La atongi larne, anasa e Pol i warawai o e Iesu pa ana lalaun ulak kusun a minat.

Aposel 17:32

Ning la longor a warwara ana lalaun ulak kusun a minat, dingla na tarai tagun la, la morot laulau onoi, ika dingla la atai i mange, “Mila mang sur ur warwara ulak tetek mila ana utna ne.”

A Pas ane Pol tetek a tarai Rom 16:17

Na tastasikla, a nunung mulo sur mulor atumarang mulo kusun a tarai ning la sira pagal asauran a tarai a lotu, pa la atong a warwarala ning i sairas a asasaerla ning mulo ka kibas pasi. Mulor han masik kusun la.

1 Korin 10:12

Ning tik i nuki mang i tur rakrakai, ir tumarang, sakana ir punga tar ana toltol laulau.

1 Korin 8:9

Mulo langolango sur mulor ien a utna ning tik ka artabar tar onoi tetek a asasongo na godla. Ika mulor tumarang mulo, sur gong anumulo a toltol ning ir apungan tar la ning anunla a tortorot bel i rakrakai.

2 Korin 10:5

Mila kamar sen a asasongo na warwarala ning a taraila la iaunan la ono, pa i sairas a taraila sur gong la tasman e God. Pa mila dat lingir a nuknuk a taraila, sur lar longor tetek e Karisito.

Galesia 1:14

A tur rakrakai ana lotu Juda, pa anuka tastasman ana lotu i itna tan a halalikla rop ning anumila na rau i arlar. A rakrakai kol, sur ar mur wakak a toltolla anuna tumtubuk tagun nating.

Galesia 4:3

Mang otleng larning tetek dala, ning e Karisito belot i hanot, dala arlar lar a kaklik, dala a tena titol oros ana motla mite na rakrakan hanua.

Galesia 4:9

Ika onone mulo ka tasman a momol a God. Momol, e God i tasman mulo. Pa sur asa ning mulo ulak sur a ingun laulau orosla mite na rakrakan hanua ning bel al rakrakainla pa bel la to pas ta utna? Mangasa, mulo mang sur mulor na tena titol oros ulak anunla?

Galesia 5:15

Ika ning mulo akadik artalai mulo arlar ana inagoila ning la harat artalai la pa la ien artalai la, mulor atumarang mulo, sakana mulor alaulau rop sen mulo.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Epeses 4:20

Ika mulo, ning di asaer tar mulo o e Karisito, bel di asaer mulo ana toltolla larne.

Epeses 5:6

Gong mulo noren tar tik sur ir asongo mulo anal warwara oros ka. Anasa a toltolla ning ir dat pas ka a balakut ane God tetek la ning bel la longor teteki.

Pilipai 3:2

Mulor tumarang mulo kusun a tarai ning la tol a laulauna, ning la arlar ana ngalngaliah na pap. La kot laulau a palaon a tarai, pa la asaer la mang, ning bel di kot talilis la, e God bel ir alaun la.

Kolosi 2:18

Ning tik i asasongo mang i anatarna pasi ana nuna ngas a lotu, pa i lotu tetek a angelola, pa i sira warwara ana tatatai ning i oroi, gong mulo noren tari sur ir tiu mulo. Anasa a ngas a barsan ning i rakan aleklek orosi ka ana nuknukna, ning i bukus taum ana lalaun turai.

Kolosi 2:20

Ning mulo ka mat taum o e Karisito, mulo ka langolango kusun a asasaerla anun a ingun laulaula mite na rakrakan hanua. Sur asa ning mulo laun ulak ka larning mulo mite na rakrakan hanua pa mulo mur a warkuraila mite?

Kolosi 2:22

A warkuraila ne i warwara ana ututnala ning dala titol pas onoi, pa lamur bel la to pas ta utna, anasa a warkuraila ne pa asasaerla ne la hanot ka miting na tarai.

Kolosi 2:23

A momolna, a warkuraila ne a tarai la nuki mang ir arakrakai la ana nunla lotu, pa la anatarna pas la, pa la alaulau a palaonla, ika bel i nangan la. A warkuraila ne, la tatatai larning la hanot tagun a wakak a tastasman, ika bel la tolsot pasi sur lar sairas a lalaun turai.

1 Timoti 6:20

Timoti, ur tai alar wakak a titol ning e God i saran tari tam. Ur han masik kusun la ning la atong a warwarala oros ka ning bel i arlar ana nuknuk ane God. Pa ur han masik otleng kusun la ning la arlak ana utna la atongi mang “a tastasman”, ika bel a tastasman momol.

2 Timoti 3:13

Pa a laulau a tarai pa tena asasongo lar laulau, pa lar laulau kol. Lar asongo a taraila, pa lar asongo ulak la otleng.

Hibru 13:9

Gong mulo mur a urmatana ngas a asasaerla ning ir ben rongon mulo. I wakak ning a marmaris ane God ir arakrakai a ingundala. Ning dala mur a warkuraila ana utna na hangan bel ir arakrakai a ingundala, pa bel ir nangan la ning la muri.

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

1 Pita 1:18

Mulo ka tasmani mang e God ka lou langolango pas mulo kusun na toltol orosla ka, ning mulo kibasi tana tamamulola. Bel i lou langolango pas mulo ana utna ning ir rorom ka, arlar ana silwa o a gol.

2 Pita 3:17

Ika mulo, na halalik, mulo ka tasman a ututnala ne. I maining mulor tai alar mulo, sur gong a tarai a kutus warkurai lar ben rongon mulo sur anunla na asaer ning i rongo, pa mulor punga kusun a rakrakai a keskes ning onone mulo ka kes onoi.

2 Jon 1:8

Mulor tai alar mulo sur gong mulo suah sen a utna ning mulo ka titol suri. Ika, mulor tur rakrakai sur mulor kibas pas anumulo na kidol a arlou.