Kolosi 2:22 - Label

²² A warkuraila ne i warwara ana ututnala ning dala titol pas onoi, pa lamur bel la to pas ta utna, anasa a warkuraila ne pa asasaerla ne la hanot ka miting na tarai.

Kolosi 2:22 ပူးပေါင်းရင်းမြစ်များ

Jon 6:27

Gong mulo rakrakai ka sur a utna na hangan ning i sira marase. Mulor rakrakai sur a utna ning ir kes sur a lalaun tikin, ning a Nat a Barsan ir tabar mulo ono. Anasa e God e Tata ka saran tar a rakrakai tak sur ar toli larne.”

1 Korin 6:13

Sakana tik ir atongi otleng larne, “A utna na hangan sur a balandala, pa a balandala sur a utna na hangan.” Ika e God ir kamar sen diau rop. A palaondala bel sur dir tol a pamuk a toltolla. A palaondala sur a Leklek ot, pa a Leklek sur a palaondala.

Kolosi 2:21

A warkuraila manglarne, “Gong mulo tongi! Gong mulo ieni! Gong mulo tuk tari!”

Taitus 1:14

Pa gong ma la mur a asaer oros ka anun na tarai Juda, pa a warkurai anun na tarai ning la gilam kusun a momolna.

2 Pita 2:12

Ika na asasongo na tena asasaer ne, la arlar ana rokoio na inagoila, ning bel ta mananos, pa la mur ka asaning a palaonla i mang suri, pa di agon la ka sur dir tong akes la pa dir um kol la. La atong laulau ka na ututna ning bel la tasmani. Pa lar hirua arlar ana rokoio na inagoila.

Tatatai 17:18

A hane ning u oroi, a tnan hanua kol, ning i warkurai a kingla te na rakrakan hanua.”