Kolosi 2:18 - Label

¹⁸ Ning tik i asasongo mang i anatarna pasi ana nuna ngas a lotu, pa i lotu tetek a angelola, pa i sira warwara ana tatatai ning i oroi, gong mulo noren tari sur ir tiu mulo. Anasa a ngas a barsan ning i rakan aleklek orosi ka ana nuknukna, ning i bukus taum ana lalaun turai.

Kolosi 2:18 ပူးပေါင်းရင်းမြစ်များ

Matiu 24:24

Anasa al asasongo na Karisito, pa al asasongo na propet lar hanot. Lar tol al tatatnan akinalang pa al ututna na kulkulan sur lar asongo pas a tarai ning e God ka aslang pas la, ning ot lar tolsot pasi.

A Pas ane Pol tetek a tarai Rom 1:25

La keles sen a momolna o e God sur a asasongo. La lotu pa la nunung kama tetek a ututnala ning e God i akes tar la, pa bel ma la lotu tetek a Tena Akakes, i ning dir atong aleklek pasi onone pa lamur pa bel ir rarop. Amen.

A Pas ane Pol tetek a tarai Rom 16:18

A ngas a tarai ning, bel la mur anundala Leklek e Karisito. La mur ot a nuknuk na palaonla. La warwara ana namnamin na warwara pa a warwara na agasgas, sur lar asobor a tarai ning bel la tastasman wakak.

1 Korin 13:4

Esining i lasan ana marmaris a palaona bel i sira ngoro kapit tetek tik, pa i sira tol a wakakna tetek a taraila. Bel i sira ram sur ta utna anuna tik, bel i sira iaunani, pa bel i sira aitna pasi.

1 Korin 3:3

Mulo mur ot na toltol mite na rakrakan hanua. I talapor mang mulo laun ot arlar ana tarai mite na rakrakan hanua, anasa mulo sira nuknuk laulau pa mulo sira warwara na balakut artalai. Mulo laun arlar onla ning bel la tortorot.

1 Korin 4:18

Dingla na tarai o mulo la dat abarah a pukulunla, anasa la nuki mang bel ar ulak tetek mulo.

1 Korin 4:6

Na tastasik, ia ka atong tar na warwara ne o miau ma e Apolos sur ir nangan mulo pa ir asaer mulo, sur mulor talapor ana kama warwara ne: “Mulor mur ka a warwara ning di ka tumus tari ting na Buk Tabu, pa gong mulo suah tar ta puka warwara otleng.” Ning mulor muri larning, bel ta halimulo ir aitna pas tik, pa ir anatarna pas tik otleng.

1 Korin 8:1

Ar atai mulo ana ututnala na hangan ning di ka artabar tar onoi tetek a asasongo na godla. Dala tasmani mang, dala rop dala ka tastasmai. A tastasim i sira tol otnan a toltol sur tik ir aitna pasi, ika a marmaris i sira tol otnan a toltol sur tik ir arakrakai a taraila.

1 Korin 9:24

Mangasa, bel mulo tasmani mang, la rop ning la arsoksok ana dududun la dun, ika takai ka onla ir kibas a arlou? Mulor rakrakai ana dududun sur mulor kibas a arlou.

2 Korin 11:3

Ika onone, a matmataut sakana dir ben rongon a nuknukimulo kusun anumulo a toltol ning bel ta dur onoi, pa anumulo a tortorot momol o e Karisito, arlar ana soi i asongo pas e Iwa.

2 Korin 12:20

A matmataut, sakana ning ar hanot tetek mulo, bel ar oroi barat a toltolla ning a mang sur ar oroi i. Pa mulo otleng bel mulor gas ana toltol ning ar hanot onoi. A matmataut sakana ar pastek pas a ngas a toltol larne: mulo warwara na arlak, mulo bal laulau, mulo balakut, mulo kes sarara, mulo arle, mulo warwara kumkumna, mulo dat abarah pukulumulo, pa anumulo a keskes i loklokron.

Epeses 4:17

A atai mulo ana risana Leklek, pa a atumarang mulo mang gong ulak ma mulo laun arlar ana taraila ning bel la tortorot. A nuknukinla bel i topas ta utna.

Epeses 5:6

Gong mulo noren tar tik sur ir asongo mulo anal warwara oros ka. Anasa a toltolla ning ir dat pas ka a balakut ane God tetek la ning bel la longor teteki.

Pilipai 3:14

A dun usa lanigo sur a ararop ana dun, sur ar kibas pas a arlou, a arkabah ane God tetek iau o e Karisito Iesu sur a lalaun saot na langit.

Kolosi 2:23

A momolna, a warkuraila ne a tarai la nuki mang ir arakrakai la ana nunla lotu, pa la anatarna pas la, pa la alaulau a palaonla, ika bel i nangan la. A warkuraila ne, la tatatai larning la hanot tagun a wakak a tastasman, ika bel la tolsot pasi sur lar sairas a lalaun turai.

Kolosi 2:4

A atongi larne tetek mulo, sur gong tik i asongo mulo an al namnamin na warwara.

Kolosi 2:8

Mulor tai alar mulo, sur gong tik ir dot akes mulo ana tastasman anuna tarai ka, a asasaerla oros ka, pa a asasongo ka. A tastasman ning i hanot ka miting na asaerla ana tumtubunla nating pa miting na ingun laulaula mite na rakrakan hanua, pa bel ta e Karisito.

1 Timoti 1:7

La mang sur lar asaer a taraila ana Warkuraila ane God, ika bel la tasman asaning la warwara onoi, pa a kamkama warwara ning la nuki mang la tastasman onoi.

1 Timoti 4:1

A Talngan Tabu i apuasa i mang al tarai lar han masik kusun a momol a tortorot ana ararop a pukakiarla, pa lar mur a mot asasongola, pa lar mur a asasaerla anuna motla.

2 Pita 2:14

A matanla i tai ka sur na tintaulai a gurara, sur lar tol a toltol laulau taum onla. Anunla na laulau a toltol bel ir rop lar pas. La alam rongon la ning bel la tur rakrakai. La lasan kol ana toltol ning la mang kol sur a galis a gongon. Ika, anunla hinirua ka sang.

1 Jon 2:26

A tumus a ututnala ne tetek mulo, sur ar atumarang mulo kusun la ning la mang sur lar ben rongon mulo.

Tatatai 12:9

Di minggen purum sen a tnan dregon, a soi tagun nating, ning di atongi a tena artitiu, pa e Satan, esaning i ben rongon a rakrakan hanua rop. Di minggen purumi taum ana nuna angelola ute lapiu.

Tatatai 13:14

I ben rongon a tarai ning la kes te na rakrakan hanua, anasa ana akinalangla ning i toli ana rakrakai ning di saran tari tana suir nangan a ningnigo na rokoio a inagoi onoi. I atai la sur lar atur a manar a ningnigo na rokoio a inagoi sur lar aitna pasi onoi. A ningnigo na rokoio a inagoi ning nating di so tari ana liwan a harum, ika i laun ot.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Tatatai 19:10

Lamur a punga hanrawai napir naur a hana suar lotu teteki. Ika i atai iau mang, “Gong! Iau otleng a tena titol oros ka lar u pa na tastasim ning la tong akes a warwara talapor o e Iesu. Ur lotu tetek e God! Anasa a warwara talapor o e Iesu i akamtur a tarai sur lar warwara na propet.”

Tatatai 3:11

Milau kama ar hanot. Mulor tong arakrakai tar asaning mulo ka kibas pasi, sur gong tik i kibas anumulo a arlou, ning e God ir saran tari tamulo, larning di saran tar a arlou tan tik ning i tolsot pas a arsoksok.