Kolosi 1:23 - Label

²³ E God ir tol a utna ne ning mulor rakrakai ana tortorot, pa mulor tur rakrakai onoi. Pa gong mulo han masik kusun a keskes na harnanai ana tortorot sur a ututnala ning e God ir toli, ning mulo ka longor tari ana Wakak a Warwara. A Wakak a Warwara ning, di ka atatai tar onoi tetek a taraila rop te na rakrakan hanua. Iau e Pol, a hanot a tena titol ana Wakak a Warwara ning.

Kolosi 1:23 ပူးပေါင်းရင်းမြစ်များ

A Wakak a Warwara o e Iesu Karisito i tumusi 16:15

I atai la mange, “Mulor han uting na rakrakan hanua rop, pa mulor warawai ana Wakak a Warwara tetek a taraila rop.

Luk 22:32

Ika ia ka nunung hom, Saimon, sur gong anuma tortorot i punga kol. Ning u ka nuklingir ulak, ur arakrakai na tastasimla.”

Luk 6:48

I arlar ana barsan ning i tol a rumai. I kel tungen pas a tung, pa i atur tar a pos ana rumai saot na hat. Ning a lomom i hanot, pa i saler uting na rumai ning, bel i gulen lar pasi, anasa di ka tol wakak tari.

Jon 15:6

Ning tik bel i patap hok, i arlar ana raka rakai ning di minggen seni pa ir marang. Dir suah taum la, pa dir minggeni ting na iah, sur lar sot rop.

Aposel 1:17

I ning a halimila, pa i harnangai ana titol ne.”

Aposel 1:25

sur ir kibas a titol na aposel, ning e Judas ka mat pas kusuni pa ka han uting na hanua ning i arlar taum ana nuna toltol laulau.”

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Aposel 11:23

E Barnabas i ning a wakak a barsan, i bukus ana Talngan Tabu taum ana tortorot. Ning i hanot pa i oroi a marmaris ane God ning i titol onla, i gas ono, pa i wunan la rop sur lar tur momol ana tortorot ana nunla lalaun tetek a Leklek. Pa galis a tarai la lingir a nuknukinla tetek a Leklek.

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

Aposel 2:5

Pa galis a te Judala otleng la kes tisaot e Jerusalem, la na tena lotu miting na hananuala rop ting na rakrakan hanua.

Aposel 20:24

Ika bel a nuk pas anuka lalaun, pa bel a maris alari. A saran tari ka sur ar tolsot pas anuka tinan pa a titol, ning a Leklek e Iesu i saran tari tak, sur ar warwara talapor ana Wakak a Warwara ana marmaris ane God.

Aposel 26:16

Ur kamtur. A hanot tetek u, anasa a aslang pas u, sur ur tol anuka titol pa ur warwara talapor ana ututnala, u ka oroi tari hok, pa a ututnala otleng ning ar asangani tam.

Aposel 4:12

Bel tik masik ir alaun dala, pa bel ta risana tik otleng te na rakrakan hanua, ning e God i saran tari tetek a taraila sur dir alaun dala onoi.”

A Pas ane Pol tetek a tarai Rom 10:18

Ika, a kabah: Mangmangasa, a tarai Israel belot la longor a Wakak a Warwara? La longori ot. Larning a Buk Tabu i atongi mang, “A tarai mite lapiu la ka longor a elngenla. A warwara ning ka han sarara ana pukna rop ting na rakrakan hanua.” Buk Song 19:4

A Pas ane Pol tetek a tarai Rom 15:16

sur ar tena titol ane Karisito Iesu tetek a tarai ning bel na tarai Juda. A arlar ana tena artabar tetek e God, ning a warawai ana Wakak a Warwara ane God, sur a tarai ning bel na tarai Juda la anuka artabar tetek e God ning ir gas onoi. Pa a Talngan Tabu ka atotoh tar la.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

A Pas ane Pol tetek a tarai Rom 5:5

Ning dala harnanai ana tortorot, dala tasmani mang asaning e God ka lele tar onoi ir hanot ot. Anasa e God ka saran tar a Talngan Tabu tan dala. Pa Talngan Tabu ka pek tar a marmaris ane God te na balandala.

1 Korin 15:58

I maining na tastasik, mulor tur rakrakai, pa gong i gulgule anumulo a tortorot ana kamkamtur ulak kusun a minat. Mulor saran rop tar anumulo a lalaun sur a titol anuna Leklek, anasa mulo tasmani mang a titolla rop mulo toli ana rakrakai ana Leklek belsur a utna oros ka.

1 Korin 3:5

Esining e Apolos? Pa esi otleng e Pol? Miau naur a tena titol oros ka ane God, pa mulo tortorot o e Karisito anasa ana numiau a titol. Miau taktakai mia tol a titol ning a Leklek i saran tari tetek miau.

2 Korin 10:1

Iau, e Pol, ning dingla na tarai la atongi hok mang, a sira anatarna pas iau ning a tai taum o mulo, ika ning a kes masik anuka warwara tetek mulo i rakrakai kol. A nunung mulo sur mulor longor iau, anasa e Karisito i anatarna pasi, pa i titol ana wowon na magirana tetek a taraila.

2 Korin 11:23

La na tena titolla ane Karisito, gepi? Iau a wakak a tena titol tanla rop. A warwara arlar lar a longlong. A titol rakrakai kol tanla rop, ia ka kes pas ting na rumai a dodot a galis a taem, na harumla di toli hok i rakrakai kol, a galis a pukakiar milau ar mat. A ututnala rop ning di toli o mila i itna tana utna ning di toli onla.

2 Korin 3:6

I ot i suah tar mila sur mila na tena titolla ana tona kunubus, pa i saran tar a rakrakai tetek mila sur milar titol onoi. A tona kunubus ne, bel i kamkamna ana warwara na Warkurai ning di ka tumus tari, i kamkamna ot ana Talngan Tabu. A warwara na Warkurai i saran ka a minat, ika a Talngan Tabu i saran a lalaun.

2 Korin 4:1

E God i maris mila pa i saran tar a titol ne tetek mila. I maining bel milar manah kusuni.

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

Galesia 4:11

A matmataut kol o mulo, sakana anuka titol tetek mulo ir utna oros ka.

Galesia 5:5

Ika dala, ana rakrakai ana Talngan Tabu dala harnanai ana tortorot sur e God ir atong dala mang dala tostos.

Galesia 5:7

Nating mulo dun wakak ana arsoksok. Ika onone, esining ka aloklokron tar mulo, pa bel mulo longor ma ana momolna?

Galesia 6:9

Gong dala ngoro ana wakak a titolla ning dala toli, pa gong dala manah kusuni. Ning a pukakiar i sot, dalar tong akes pas a wana nundala a titol.

Epeses 1:18

A nunung mang ir atalapor a ingumulo, sur mulor tasman a ututnala ning dala harnanai ana tortorot suri, ning e God i kabah pas dala sur dalar kibas pasi. A ututnala ning dala na tarai ane God, dalar kibas pasi, i itna kol pa i bukus ana matatar.

Epeses 2:21

Pa ana hat kes ne, a kidol a rumai ir tugus wakak onoi, pa ir hanot a totoh a rumai artabar ana Leklek.

Epeses 3:17

sur e Karisito ir kes uting na balamulo, ning mulo tortorot onoi. Pa a nunung mang a wakwakirim mulo ir tong kes ana marmaris pa mulo tur rakrakai onoi,

Epeses 4:16

Pa dala a palaona, pa o e Karisito, a kidol a palaona i tugus taum wakak. Pa ning taktakai diah palaona i tol ot anuna titol, a kidol a palaona ir gomo pa ir rakrakai, pa ir bukus ana marmaris.

Kolosi 1:25

E God i suah tar iau sur iau a tena titol anuna tarai a lotu. I saran tar a titol ne tak sur ar warawai ana nuna warwarala rop tetek mulo.

Kolosi 2:7

Anumulo lalaun ir suah a wakir o e Iesu sur ir gomo, pa mulor tur saot onoi. Mulor tur rakrakai ana tortorot larning di ka asaer tar mulo onoi, pa mulor bukus ana atong wakak tetek e God.

1 Tesalonika 3:3

sur gong tik tagun mulo a nuknukna ir loklokron ana mamahatla ning mulo kilangi. Anasa mulo tasmani ot mang a mamahatla ir kibas dala.

1 Tesalonika 3:5

Ine a kamkamna ning a sune e Timoti tetek mulo. Bel a mang sur ar kes kol, anasa a nuknuk kol o mulo, pa a sune i tetek mulo sur ar tastasman ana numulo a tortorot. A matmataut, sakana a Tena Alam ka apungan ulak pas mulo, pa anumitol a titol tetek mulo ir utna oros ka.

1 Tesalonika 5:8

Ika dala tagun a kabakiar, i wakak ning dalar warkurai tostos anundala lalaun. Dalar amermer dala ana tortorot pa ana marmaris sur ir tai alar dala, arlar ana tena harum i suah alar a molosna ana puka aen. Pa dalar amermer dala otleng ana keskes na harnanai ana tortorot o e God sur ir alaun dala, arlar ana tena harum i suah alar a pukulna ana kukuh na harum.

2 Tesalonika 2:16

Anundala Leklek e Iesu Karisito ot pa e God a Tamandala, i maris dala, pa ana nuna marmaris i tabar dala ana warwara na armoro ning bel ir rarop, pa i nangan dala sur dalar harnanai ana tortorot sur a wakakna ning ir toli.

1 Timoti 1:12

A atong wakak tetek e Karisito Iesu anundala Leklek, esaning i tortorot hok pa i saran tar a rakrakai tak, pa i aslang pas iau sur ar titol teteki.

1 Timoti 2:7

Ine kamkamna ning e God i aslang pas iau sur ar aposel pa ar warawai ana Wakak a Warwara tetek a taraila ning bel na tarai Juda, pa ar asaer la ana tortorot momol. A atong momoli, bel a asongo.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Taitus 3:7

Anasa ana marmaris ane God, i atong dala mang dala tostos namatana, pa i tabar dala ana lalaun tikin, ning dala harnanai suri ana tortorot.

Hibru 10:38

Ika esining i tortorot, ar atongi mang anuka tena tostos pa ir laun. Pa ning ir susur ulak kusun a tortorot, bel ar gas ono.” Hab 2:3-4

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

Hibru 4:14

E Iesu, a Nat e God, i a tnan ningnigo na tena artabar tetek e God, ning i han usaot na langit. I maining dalar tur rakrakai ana asasaerla ning dala tortorot ono pa dala sira warwara talapor ono.

Hibru 6:19

Anundala tortorot ning dala harnanai ono sur a lele ane God, i arlar ana aga ning i tong akes a ingundala, pa bel ir susur. Anundala keskes harnanai ana tortorot i kas uting na rumai a artabar ting na pukna ning i Tabu Kol lamur tana kaen na alalar kutus saot na langit.

1 Pita 1:3

Dalar atong aleklek pas e God, a Taman anundala Leklek e Iesu Karisito. Ana nun a tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat,

1 Pita 1:5

Pa i tai alar mulo ana rakrakaina, anasa mulo tortorot onoi. Ir tai alar mulo tuk ana ararop a pukakiar ning ir alaun mulo. Pa ana nuna titol ning, ir apuasa asaning ka sang tari sur mulo.

1 Jon 2:27

A Talngan Tabu ning e Karisito i saran tari tetek mulo, i patap o mulo, pa bel mulo kapan sur tik ir asaer mulo. Anasa a Talngan Tabu i asaer mulo ana ututnala rop. Pa a utna ning i asaer mulo ono i momol, pa bel i asongo. Mulor nuk akes a asasaer ne sur mulor patap o e Karisito.

Tatatai 2:10

Gong mulo matatan a kankan ning milau ir hanot tetek mulo. Oroi i, e Satan ir akas tar dingla na tarai o mulo uting na rumai a dodot suir lar mulo, pa mulor kilang a kankan ana ning a bonot a pukakiar. Mulor tur rakrakai ot ana anumulo a tortorot tuk ana pukakiar ning mulor mat ono, par saran tar a lalaun tetek mulo, larning di saran a arlou tetek tik ning i tolsot pas a arsoksok.