Jon 9:39 - Label

³⁹ E Iesu i atongi mange, “A hanot ute na rakrakan hanua sur ar saran a warkurai mange: la ning la kut lar tai, pa la ning la tai lar kut.”

Jon 9:39 ပူးပေါင်းရင်းမြစ်များ

Matiu 11:5

A kutla la ka tai, la ning a hanla i mat la ka han tostos, a leprala la ka langolango, na talngana kutkut la ka longor, a minatla la ka kamtur, pa di warawai ana Wakak a Warwara tetek a kapan a tarai.

Matiu 15:14

Mulor noren sen a Parisaiola. La a ningnigola, la arlar ka ana kutla. Ning ta kut ir ben ta kut, dia rop diar punga lorong ting na tung.”

Matiu 6:23

Ika, ning naur a matam dia laulau, a palaom rop ir bukus ana mormorom. Ning anuma talapor i mormorom ka, a mormorom ning ir itna kol!

Luk 1:79

Ir sasai onla ning la kes ana mormorom, pa ana mormorom na minat, sur ir nigon dala ana ngas a bal molmol.”

Luk 13:30

Oroi, dingla na tarai ning la mur, lamur lar nigo, pa dingla ning la nigo, lamur lar mur.”

Luk 2:34

E Simion i angangis ditol, pa i atai e Maria, tana e Iesu, mang, “A kaklik ne, e God i aslang pasi sur a galis a tarai Israel lar hirua onoi pa a galis otleng lar laun onoi, pa i a akinalang ning a galis a tarai lar bilbilori.

Luk 4:18

“A inguna Leklek i kes hok, anasa ka aslang pas iau sur ar warawai ana wakak a warwara tana kapan a tarai. I sune iau sur ar warawai mange, dir paksen la ning di dot akes tar la, dir apalpalas ulak la ning a matanla i kut, pa dir alangolango la ning la kilang a mamahatla ning di tol tari onla,

Luk 7:21

Ano otning, e Iesu i alangolango pas a galis kusun anunla na kankan pa nunla na tinsamanla, pa i kepsen a motla kusun la, pa i apalpalas pas a galis a kut.

Jon 12:31

Onone ka taem sur dir warkurai a rakrakan hanua, pa dir alulu sen e Satan, a ningnigo tagun a rakrakan hanua.

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.

Jon 3:17

E God bel i sune e Natnalik ute ana rakrakan hanua sur ir warkurai a ginina taraila sur lar mat. I sune i sur ir alaun la.

Jon 3:19

Ine a kamkama warkurai ning e God i sarani: A talapor ka hanot ana rakrakan hanua, ika a tarai la mang ka sur a mormorom pa a talapor bel, anasa anunla toltol i laulau kol.

Jon 8:12

E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

Jon 8:15

Mulo, mulo warkurai ka ana warkurai anuna taraila, ika iau bel a warkurai tik.

Jon 9:25

I keles la mange, “Bel a tasmani mang a laulauna o bel. Ning a utna ka a tasmani: Nating a kut, pa onone ia ka tai.”

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

2 Korin 2:16

Dala arlar ana toboh minat tetek la ning la han sur a hinirua, pa toboh lalaun tetek la ning lar laun tikin. Esi ir tolsot pas a titol ne?

Epeses 5:14

Anasa ning a talapor i atalapor a ututnala, dir oroi lalan la. I maining di atongi larne, “U ning a tena borbor, ur mata, ur kamtur kusun a minat, pa e Karisito ir atalapor u.”

2 Tesalonika 2:10

Ana ngas a toltol laulau rop ning ir toli, ir asongo a tarai ning la han amon sur a hinirua. Lar hirua anasa bel la longor sur lar mang sur a momolna sur e God ir alaun la.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

1 Jon 2:11

Ika esining i nget e tasnalik, i kes ana mormorom, pa i hanan ana mormorom, pa bel i tasmani mang i han utaha, anasa a mormorom ka sanakut pas a matana.