Jon 8:9 - Label

⁹ Ning la longor a warwara ne, la rop la purum taktakai. A lapunla la purum nigo, tuk e Iesu kama kaning ia, taum ana hane ning di atur tari napirna.

Jon 8:9 ပူးပေါင်းရင်းမြစ်များ

Luk 13:17

Ning i atong tari larne, la rop ning la lingir a titol ane Iesu, la meme, ika a kunum a tarai la gas ana wakak a ututnala ning e Iesu i toli.

Jon 8:10

E Iesu i tur, pa i deken a hane ning mange, “Lak, la ning la arup u, la kanaha ma? Bel ta halinla i warkurai u?”

Jon 8:12

E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

Jon 8:2

Ana kobot ning ot ana pukakiar lamur, e Iesu i ulak sur a rumai a artabar, pa a taraila rop la han taum teteki. I kes pa i asaer la.

Jon 8:3

A tena asaerla tagun a warkurai pa a Parisaiola, la ben kas pas ning a hane tetek e Iesu. A hane ning di pastetek pasi ning i tol a rongo taum ning a barsan. La arakrakai pasi sur ir tur salanigo namatana taraila.

Jon 8:8

E Iesu i tudu purum ulak, pa i tumtumus ulak ting na kabalapiu.

A Pas ane Pol tetek a tarai Rom 2:15

A ngas a tarai ning, i talapor mang e God ka tumus tar a warwara na warkuraila ting na balanla. Ning la tol a laulauna, a nuknukinla ot i tiu la, pa ning la tol a wakakna, a nuknukinla i gas onoi.

A Pas ane Pol tetek a tarai Rom 2:22

Mulo atongi tana tarai mang, “Gong mulo tol a laulauna ana ta hane anuna tik o ta barsan anuna tik,” ika mulo ot mulo toli! Mulo nget a asasongo na godla, ika mulo kinkinau ting na rumai artabarla anuna asasongo na godla.

1 Jon 3:20

Ning a nuknukindala i arup dala, e God i leklek tana ararup ting na nuknukindala, pa i tasman a ututnala rop.