Jon 8:34 - Label

³⁴ E Iesu i keles la mange, “A atong momoli ta mulo, la rop ning la tol a laulauna, la na tena titol oros ana laulauna.

Jon 8:34 ပူးပေါင်းရင်းမြစ်များ

Matiu 5:18

A atong momoli ta mulo, bel ta natar a tumtumus lik o ta akinalang lik tagun a warkuraila ne ir rarop, tuk ning a bakut pa rakrakan hanua diar rarop. A warkuraila lar kes ot, tuk ning dir tolsot pasi.

Jon 3:3

E Iesu i kelesi mange, “A atong momoli tam, ning tik bel di agon tona pasi, bel ir tol sot sur ir oroi a matanitu ane God.”

Aposel 8:23

Anasa a oroi u mang u bukus ana laulau a nuknuk, pa a laulau a ginim i dot akes u.”

A Pas ane Pol tetek a tarai Rom 6:12

I maining, gong ulak ma mulo noren a palaomulo, ning i sira mat ka, sur ir kes nahai a rakrakai ana toltol laulau, sur gong mulo longor tana laulau a nuknuk ana palaomulo.

A Pas ane Pol tetek a tarai Rom 6:16

Mangasa, bel mulo tasmani mang, ning mulo saran tar mulo tetek tik sur mulor longor tana, mulo na tena titol oros anunai? Ning mulo na tena titol oros ana toltol laulau, ir saran a minat tetek mulo. Ika ning mulo na tena titol oros ana toltol na longor ana warwara ane God, mulor tostos namatana.

A Pas ane Pol tetek a tarai Rom 6:6

Dala tasmani mang anundala turai a lalaun ka mat taum o e Karisito saot na rakai kutus, sur a toltol laulau ana palaondala bel ta rakrakaina. Pa bel ulak ma dala na tena titol oros ana toltol laulau.

A Pas ane Pol tetek a tarai Rom 7:14

Dala tasmani mang a Warkuraila ane God a ututnala na ingun. Ika iau a barsan ka mite lapiu, pa a toltol laulau i dot tar iau sur ar tena titol oros anunai.

A Pas ane Pol tetek a tarai Rom 7:25

E God ot. A atong wakak teteki anasa i sune e Iesu Karisito anundala Leklek, sur ir alangolango pas iau. I maining, iau ot ana nuknukik iau a tena titol oros ana Warkuraila ane God, ika ana turai a lalaun iau a tena titol oros ana rakrakai a toltol laulau.

A Pas ane Pol tetek a tarai Rom 8:21

ning e God ir paksen la kusun a dodot na marase pa minat. Ir alangolango dala na natnatnala kusun a minat, pa a akakesla lar kes taum ondala ting na wakak a matatar.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Taitus 3:3

Anasa dala otleng lanigo, bel dala mananos, dala na tabun longor, dala han rongo, dala kes ana dodot ana nundala a laulau a nuknuk pa a urmatana ututnala rop ning dala gas suri. Ana nundala a keskes a lalaun, dala tol a laulau a utna, dala ram, a tarai la nget dala, pa dala otleng dala nget la.

2 Pita 2:19

La lele tetek la mang lar langolango, ika la ot bel la langolango, la tena titol oros ana dur a magiranla. Anasa tik ir tena titol oros ana sa ning i sira longor onoi.