Jon 8:12 - Label

¹² E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

Jon 8:12 ပူးပေါင်းရင်းမြစ်များ

Matiu 5:14

“Mulo a talapor te na rakrakan hanua rop. Ta hanua ning i kes saot na mangir, bel ir parau lar pas.

Luk 2:32

A talapor ning ir atalapor anuma ngas tetek la ning bel a tarai Israel, a talapor sur a matatar tetek anuma tarai Israel.”

Jon 12:35

E Iesu i atai la mange, “A talapor bel ir kes kol ma napirimulo. Mulor taltal ning a talapor kanet, lamur a mormorom ir poroi alar mulo. Esining ir taltal ana mormorom bel ir tasmani mang ir han utaha.

Jon 12:36

Ning a talapor kanet, mulor tortorot onoi, sur mulo na natnat a talapor.” Ning e Iesu ka atong arop tar a warwara ne, i kamtur pa i han kumna kusun la.

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

Jon 3:19

Ine a kamkama warkurai ning e God i sarani: A talapor ka hanot ana rakrakan hanua, ika a tarai la mang ka sur a mormorom pa a talapor bel, anasa anunla toltol i laulau kol.

Jon 7:17

Ning tik i mang sur ir mur a nuknukna e God, ir tasman lalani, mang anuka asasaer ne ta e God, o tagun a nuknukik ka.

Jon 9:5

Ning a kes te na rakrakan hanua, iau a talapor anuna rakrakan hanua.”

Aposel 13:47

Anasa a Leklek, i sune miau mange, ‘A suah tar u sur u a talapor tetek a tarai ning bel a tarai Juda, sur ur los a harlaun tetek a taraila ana rakrakan hanua rop.’” Ais 49:6

Aposel 26:23

La atongi mang e Karisito ir mat, pa i a ningnigona ning ir kamtur kusun a minat pa ir warwara ana talapor tetek a tarai Juda pa a tarai masik otleng.”

2 Pita 2:17

Na barsan ne, la arlar ana matmatana malumla ning la ka masa, pa la arlar otleng ana laukap ning a tnan wuwu i wus seni. E God ka sang tar a pukna sur la ana tnan mormorom.

2 Pita 2:4

Oroi i, e God bel i maris na angelo ning la tol a toltol laulau. I minggen purum sen la uting na iah, pa la dodot ting na tnan tung ning i mormorom, sur lar kes nanan a pukakiar a warkurai.

1 Jon 1:6

Ning dala atongi mang dala bal taum o e God, ika dala laun ana mormorom, dala na tena asasongola, pa a momolna bel i kes ondala.

A Pas ane Jut 1:13

La arlar ana tnan top ning i takube, pa nunla na toltol na meme, ning bel la sira meme ono, i hanot talapor arlar ana busana. Pa la arlar otleng ana nangnangla ning bel la kes ting na ngasinla, la han taltal ka, pa e God ka sang tar a tnan mormorom sur la, ning bel ir rarop.

A Pas ane Jut 1:6

Pa angelola otleng, ning bel la mang sur a tiniba na warkurai ning e God i saran tari tanla, pa la han kusun anunla a keskes, e God ka dot akes tar la ana dodot tikin. Pa anone la ka kes ting na mormorom pa la harnanai sur a tnan pukakiar ning dir warkurai la ono.

Tatatai 21:24

A tarai miting na matanitula rop lar han ana talaporna, pa kingla mite na rakrakan hanua lar los kas anunla na matatar usaot teteki.