Jon 7:12 - Label

¹² A galis a tarai la wasisik o e Iesu. Dingla na tarai la atongi mang, “I a wakak a barsan,” pa dingla otleng la atongi mang, “Belal, i sira asongo a taraila ka.”

Jon 7:12 ပူးပေါင်းရင်းမြစ်များ

Matiu 10:25

I tostos sur a kaklik a asaer ir arlar ana nuna tena asaer pa a tena titol ir arlar ana nun a leklek. Ning di ka atong iau e Belsebul, mulo otleng ning mulo kes taum hok, dir atong mulo ana rising ning i laulau kol tana.

Matiu 21:46

Pa la tai sur ta ngas sur lar tong akesi ono, ika la matatan a kunum a tarai, anasa a tarai la tortorot ono mang i a propet.

Matiu 27:63

La atai i mang, “Leklek, mila nuk pas a warwara anuna tena asasongo ne. Ning kaning ot i laun, i atongi mang, ning natol a pukakiar ir rop, ir kamtur ulak.

Luk 18:19

E Iesu i kelesi mang, “Sur asa ning u atong iau mang a wakak? Bel tik i wakak, e God ka.

Luk 23:47

Ning a ningnigo anuna tena harumla i oroi asaning i hanot, i atong aitna pas e God mang, “I momol kol, a barsan ne a tena tostos.”

Luk 23:50

Ning a barsan, a risana e Josep, mitimo e Arimatia, ting na papar Judia. I ning a wakak a barsan, pa a tena tostos, ning i harnanai sur a matanitu ane God. I ning tagun a tarai a kiwung, ika bel i malmaling taum onla ana anunla a warkurai pa a utna ning la toli.

Luk 6:45

A wakak a barsan i asangan anuna wakak a toltol ning kaning na balana, pa a laulau a barsan otleng i asangan anuna toltol laulau ning kaning na balana. Anasa a pahana tarai i atong puasa a toltol ning i bukus ting na balanla.

Luk 7:16

A taraila rop ning la matmataut, pa la aleklek pas e God pa la atongi mang, “A tnan propet ka hanot na arpotor indala. E God ka hanot sur ir nangan dala, anuna tarai.”

Jon 6:14

Ning a tarai la oroi a akinalang ne i toli, la atongi mange, “I momol ot, a barsan ne, i a Propet ning di atongi mang ir hanot ute na rakrakan hanua.”

Jon 7:32

Ning a Parisaiola la longor a kunum a tarai la wasisik larne o e Iesu, io, a leklek a tena artabarla pa a Parisaiola, la sune sen a tena tai alarla tagun a rumai a artabar, sur lar tong akes pasi.

Jon 7:47

A Parisaiola la deken la mange, “Mangmangasa, mulo otleng i ka ben rongon pas mulo?

Jon 7:52

La kelesi ka mange, “Ge, u otleng mitimo e Galili? Ur asaer ana Buk Tabu pa ur mananos onoi mang a propet bel i hanot mitimo e Galili.”

Jon 9:16

Dingla na Parisaio la atongi mange, “A barsan ning i tol a utna ne, i bel tagun e God, anasa i titol ana Pukakiar Sabat.” Dingla na taraila otleng la atongi mange, “A barsan ne a wakak a barsan, anasa i tol a akinalangla ne.” Pa la taptapagal.

A Pas ane Pol tetek a tarai Rom 5:7

I rakrakai kol ning tik ir mat keles ta tostos a barsan. Ngandek tik ir tolsot pasi sur ir mat sur ta wakak a barsan.

Pilipai 2:14

Ana ututnala rop ning mulo toli, gong mulo ururai pa gong mulo arngaras ono,