Jon 6:9 - Label

⁹ “Ning a kaklik barsan kane i los dilima na bret ning di toli ana bali, pa naur a natar a sis. Ika ir arlar mangmangasa ona taraila ne?”

Jon 6:9 ပူးပေါင်းရင်းမြစ်များ

Matiu 14:17

La atai i mang, “Dilima na bret ka, pa naur a sis kane mila losi.”

Matiu 16:9

I mangasa, belot mulo tastasmai? Bel mulo nuk pas dilima na bret ning a tibiki tetek dilima na rip a barsan? Pa bel mulo nuk pas otleng naisa na rat ning mulo song bukus tari?

A Wakak a Warwara o e Iesu Karisito i tumusi 6:38

E Iesu i deken la mang, “Naisa bret kaning mulo losi? Mulor han pa mulor tai.” Ning la ka talapor pas, la atai e Iesu mang, “Dilima na bret pa naur a sis.”

A Wakak a Warwara o e Iesu Karisito i tumusi 8:19

Ning a kibik dilima na bret tetek dilima na rip a barsan, naisa rat ning mulo song tari ana mah a utna na hangan?” La kelesi mange, “Ning a bonot pa pisir naur.”

Luk 9:13

E Iesu i atai la mang, “Mulo ot mulor tabar la.” Pa la kelesi mange, “Dilima na bret ka pa naur a sis kane mila losi. Ngandek u mang sur milar lou pas al utna sur ir arlar ana kunum a tarai rop ne?”

Jon 11:21

E Mata i atai e Iesu mange, “Leklek, ngandek ning ur kes ot te, a tasiklik bel ir mat.

Jon 11:32

Ning e Maria i hanot ana pukna ning e Iesu i kes ia, i oroi teteki, i kes ana bokona hana salanigo tana, pa i atongi mange, “Leklek, ngandek ning ur kes tar ot te, a tasiklik bel ir mat.”

Jon 21:10

E Iesu i atai la mange, “Mulor los al sis ute miting na sisla ning nokane mulo uben pasi.”

Jon 21:13

E Iesu i los pas a bret pa i tabar la ono, pa lamur i tabar la kale ana sis.

Jon 21:9

Ning la sot ana mon, la oroi a barang a iah taum ana sisla kaning onoi, pa la oroi otleng a bretla.

Jon 6:11

E Iesu i kibas pas dilima na bret, i atong wakak pas tetek e God onoi. Pa i asalari tana taraila ning la kes tingia, arlar larning la mang suri. Pa i asalar otleng a sis tanla.

Jon 6:7

E Pilip i kelesi mange, “A arlou tagun a siwal a kalang ning dir lou pas a utna na hangan ono, bel ir arlar onla.”

2 Korin 8:9

Anasa mulo tasman a marmaris ana nundala a Leklek e Iesu Karisito. I ot i angis kol, ika i han kusun anun a wakak a keskes saot na langit, anasa i maris mulo. I kes na kapan te na rakrakan hanua, sur mulo, mulor angis.

Tatatai 6:6

Pa longor takai a utna i arlar ana elngen takai na arpotor indiat a lalaun na akakes i atongi mang, “A matana utna ir abit kol. Dir lou takai a kilogrem a wit ana takai a denaria, pa dir lou natol a kilogrem a bali otleng ana takai a denaria. Ika gong di alaulau naur a utna ne: a wel a oliw pa wain.”