Jon 6:24 - Label

²⁴ Ning a kunum a tarai la oroi mang e Iesu taum ana nuna kakak a asaerla bel la kes tingia, la kas ana monla, pa la han utumo e Kapernaum sur lar tai sur e Iesu.

Jon 6:24 ပူးပေါင်းရင်းမြစ်များ

Matiu 14:34

Ning la ka han lakai tumo na ning a ris a puka tasi, la sot tumo na papar Genesaret.

A Wakak a Warwara o e Iesu Karisito i tumusi 1:37

Pa ning la pasteteki, la atai i mange, “A tarai rop la seren u.”

A Wakak a Warwara o e Iesu Karisito i tumusi 6:53

Ning la ka han lakai tumo na ning a ris a puka tasi, la sot tumo na papar Genesaret pa la dot akes tar a mon.

Luk 8:40

Ning e Iesu i ulak, a kunum a tarai la gasgas pasi, anasa la rop la harnanai ka suri.

Jon 20:15

E Iesu i dekeni mange, “Wan, u domos sur asa? U tai sur esi?” E Maria i nuki mang a barsan ning i a tena tai alar ana barim, pa i atai i mange, “Lak, ning u los masik pas a minat e Iesu, ur atai iau mang u aborbori taha, sur ar han pa ar los pasi.”

Jon 6:17

La kas ana mon, pa la turpas a lakai a puka tasi sur e Kapernaum. Ka morom, pa e Iesu belot i hanot tetek la.

Jon 6:23

Lamur dingla na mon mitimo e Tiberias la sot milau ana pukna ning a Leklek i atong wakak ana bret pa a kunum a tarai la hangan ano.

Jon 6:26

E Iesu i keles la mange, “A atong momoli ta mulo, bel mulo tai sur iau anasa mulo oroi a akinalangla ning a toli, belal. Mulo tai ka sur iau anasa mulo ien a bret pa mulo masur ono.

Jon 6:59

E Iesu i atong a warwarala ne, ning i asaer a taraila ting na rumai lotu tumo e Kapernaum.

Jon 7:11

Dingla na Juda la tai sur e Iesu tingia na lotu, la deke mang, “A barsan ne kanahaia?”