Jon 6:19 - Label

¹⁹ Ning la ka ulusu bakbak, arlar ana dilima na kilomita, la oroi pas e Iesu i han saot na palai a puka tasi tetek la. Pa la matmataut kol.

Jon 6:19 ပူးပေါင်းရင်းမြစ်များ

Luk 24:13

Ana pukakiar ot ning, naur onla ning la sira mur e Iesu, dia han uting na hanua a risana e Imaus. A barah ana ngas ning i arlar ana ning a bonot pa takai a kilomita misaot e Jerusalem.

Luk 9:42

Ning a kaklik i han tetek e Iesu, a mot i minggen purumi utumo lapiu pa i akoloroni. Ika e Iesu i warwara rakrakai tetek a mot pa i kepseni, pa a kaklik ning i langolango ulak. I saran ulaki tetek e tamana.

Jon 11:18

E Betani i milau ka e Jerusalem, i arlar ka ana natola kilomita,

Jon 14:18

Ning ar han kusun mulo, bel mulor kes na biasui, ar ulak ka tetek mulo.

Jon 6:18

A tnan wuwu i ragati pa a tatatnan top i kamtur.

Jon 6:20

Ika e Iesu i atai la mange, “Gong mulo matmataut, iau ka ne.”

Tatatai 14:20

Pa di miren a wana wain ting na tung a hat ning, ning tumo lapiu ana taman ana tnan hanua. Pa a suluk i saler ot miting na tung a hat ning. I barah arlar ana natol a mar a kilomita, pa i lomom kas usaot tuk ana puka aen ning i kes na pahana hos.

Tatatai 21:16

A hanua ning diat a ris ono, la arlar rop tar ka. A barahna pa a palarna dia arlar ka. Ning i mak a hanua ana nuna bulse, i arlar ana ning a bonot pa naur a rip a stadia a barahna, pa palarna pa a turturna, ditol arlar rop ka.