Jon 6:14 - Label

¹⁴ Ning a tarai la oroi a akinalang ne i toli, la atongi mange, “I momol ot, a barsan ne, i a Propet ning di atongi mang ir hanot ute na rakrakan hanua.”

Jon 6:14 ပူးပေါင်းရင်းမြစ်များ

Matiu 11:3

“U ma, ning di warwara nigo tar hom mang ur hanot, o milar harnanai ot sur tik?”

Matiu 21:11

Pa a kunum a tarai ning la han taum onoi la atongi mang, “A barsan ne e Iesu, a propet mitumo e Nasaret ana papar Galili.”

Luk 24:19

Pa i deken diau, “A ututnala na sa?” Pa dia kelesi mang, “A ututnala o e Iesu a te Nasaret, a propet, ning i asangani mang i rakrakai ana nuna titolla pa anuna warwarala otleng, ana matana e God pa a taraila rop.

Luk 7:16

A taraila rop ning la matmataut, pa la aleklek pas e God pa la atongi mang, “A tnan propet ka hanot na arpotor indala. E God ka hanot sur ir nangan dala, anuna tarai.”

Jon 1:21

La deken ulaki mang, “U esi? U e Elaija?” Pa i keles la mange, “Belal, iau bel e Elaija.” La deken ulaki mange, “U a propet ning di atongi mang ir hanot?” I keles la mang, “Belal.”

Jon 11:27

E Mata i kelesi mange, “Leklek, i momol. A tortorot mang u a Karisito, a Nat e God, ning i sune u ute na rakrakan hanua.”

Jon 2:11

Ine a ningnigo na akinalang ning e Iesu i toli. I toli tumo e Kana ana papar Galili. A akinalang ne i asangan ot anuna matatar, pa anuna kakak a asaer la tortorot ono.

Jon 4:19

A hane i kelesi mange, “Leklek, a tasmani mang u a propet.

Jon 4:25

A hane i atai i mange, “A tasmani mang a Mesaia ning di atongi mang e Karisito, ir hanot, pa ir papak ana ututnala rop tetek dala.”

Jon 4:42

La atai a hane mange, “Onone mila ka tortorot, bel ana warwara ning u atongi o e Iesu. Mila ot mila ka longori, pa mila ka tasman momoli mang i a Tena Alaun sur a rakrakan hanua.”

Jon 6:2

A tnan kunum a tarai la muri, anasa la ka oroi tar a akinalangla e Iesu i toli, ning i alangolango la ning la kurah.

Jon 6:26

E Iesu i keles la mange, “A atong momoli ta mulo, bel mulo tai sur iau anasa mulo oroi a akinalangla ning a toli, belal. Mulo tai ka sur iau anasa mulo ien a bret pa mulo masur ono.

Jon 6:30

Pa la dekeni mange, “Ur tol esi na akinalang sur milar oroi pa milar tortorot hom onoi? Asa ning ur toli?

Jon 7:40

Dingla na taraila tagun a kunum ning la longor a warwara ne, la atongi mange, “A momolna ot, a barsan ne a propet ning e God i sune i ute.”

Aposel 7:37

E Moses ot ning i atai tar a tarai Israella mang, ‘E God ir saran ta propet arlar hok tagun anumulo a mangis a tarai ot.’ Lo 18:15