Jon 5:44 - Label

⁴⁴ Mulo mang kol sur a tarai lar atong aleklek pas mulo, pa bel mulo rakrakai sur e God ir atong aleklek mulo, e God i ning takai sot ka. Ning i manglarning, bel mulo tortorot hok.

Jon 5:44 ပူးပေါင်းရင်းမြစ်များ

Matiu 23:5

Anunla na titol rop, la toli ka, sur a tarai lar oroi la. Mulo sira akas tar a dingla na warwara na Buk Tabu ting na nanatar a boksla, pa mulo doti ting na patarimulola. Ika a Parisaiola, anunla na nanatar a boksla i palar kol. Pa mulo sira dot a kulola ting na sinir ana numulo a kaen a nunung. Ika a Parisaiola, anunla a kulola i barah kol.

Luk 19:17

A leklek i atongi tana mang, ‘Wakak kol, u a wakak a tena titol oros! Ar suah tar u sur ur tai alar ning a bonot a tatatnan hanua, anasa u momol ana natar a utna.’

Jon 12:43

Bel la warwara talapor onoi anasa la mang kol sur a tarai lar aleklek la, pa bel la nuk pas a warwara gasgas ane God tetek la.

Jon 17:3

A lalaun tikin i manglarne: A tarai lar tasman u, ning u ka e God momol, pa lar tasman otleng e Iesu Karisito, ning u sune i ute.

Jon 3:20

La rop ning la sira tol a toltol laulaula, la nget ka a talapor, pa bel la han tetek a talapor, sakana dir oroi puasa pas anunla na toltol laulaula.

Jon 5:41

“Bel a mang sur a tarai lar atong aleklek iau.

Jon 8:43

Sur asa ning bel mulo tasman lalan anuka warwara? Anasa bel mulo longor lar pas asaning a atongi.

A Pas ane Pol tetek a tarai Rom 2:10

Ika, tetek la rop ning la tol a wakak a toltol, e God ir saran a matatar tanla, pa ir aitna pas a risanla, pa ir saran tar a bal molmol tetek la. Ir tol nigoni tetek a tarai Juda, pa lamur tetek a tarai masik otleng.

A Pas ane Pol tetek a tarai Rom 2:29

Ika ning tik i mur e God ting na balana, i ning a te Juda momol. Pa a momol a kot talilis, a Talngan Tabu i toli ting na balana, bel a tarai la toli ning la mur a Warkuraila ning di ka tumus tari. Tik ning a Talngan Tabu i toli larne onoi, bel a taraila lar atong alekleki, e God ot ir atong aleklek pasi.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

1 Korin 4:5

I maining gong mulo warkurai tik lanigo tana pukakiar a warkurai. Mulor harnanai tuk ning a Leklek ir hanot. Pa i ot, ir atalapor na ututna ning i mumun ting na mormorom, pa ir apuasa a nuknuk a taraila. Pa ana pukakiar ning, e God ir atong aitna pas a taraila, arlar ot ana nunla na titol taktakai.

2 Korin 10:18

Anasa esining i atong aleklek pasi ot, esaning bel i itna namatana Leklek, ika esining a Leklek i atong aleklek pasi, esaning i itna.

Pilipai 2:3

Gong mulo tol ta utna ning mulor aitna pas mulo onoi, o mulor aunan mulo onoi. Mulor anatarna pas mulo pa mulor nuk aitna pas a tarai masik sur lar itna tamulo.

1 Tesalonika 2:6

Bel mitol mang sur mulo o tik masik otleng ir atong leklek pas mitol.

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

Jems 2:1

Na tastasikla, mulo ning mulo tortorot ana nundala a Leklek e Iesu Karisito, a Leklek na matatar, gong mulo purpurngis.

1 Pita 1:7

A mamahatla ne la hanot sur dir toho anumulo a tortorot, sur dir oroi i mang i momol o bel. Di toho anumulo a tortorot arlar onoi ning di tun atotoh a gol ting na iah. Ika anumulo a tortorot i itna kol tana gol ning ir rop ka. Pa ning anumulo a tortorot i tur rakrakai lamur tana larlarla, e Iesu Karisito ir rakan aleklek pas mulo, pa ir aitna pas mulo, pa ir saran a hanrawai tetek mulo ana pukakiar ning ir hanot puasa.

A Pas ane Jut 1:25

Takai ka a God pa i anundala a Tena Alaun, anasa ana minat e Iesu Karisito anundala a Leklek. Anunai ot a matatar, a keskes a leklek, a rakrakai pa a warkurai, tagun na raula ning ka rop, pa onone, pa bel ir rarop. Amen.