Jon 5:42 - Label

⁴² Anasa a tasman mulo ot, mang bel mulo mang sur e God ana balamulo.

Jon 5:42 ပူးပေါင်းရင်းမြစ်များ

Luk 16:15

Pa e Iesu i atai la, “Mulo, mulo atostos pas mulo namatana taraila. Ika e God i tasman a balamulo. Anasa a utna ning i ngangaten namatana taraila i bilbilor namatana e God.

Jon 2:25

Bel i kapan sur tik ir atai i ana toltol anuna taraila, anasa i ot i tasman asaning kaning na balanla.

Jon 21:17

Munatol onoi e Iesu i dekeni mange, “Saimon, nat e Jon, u mang sur iau?” E Pita i nuklingiri, anasa e Iesu ka dekeni munatol mang, “U mang sur iau?” I atai i mange, “Leklek, u tasman a ututnala rop. U tasmani mang a mang sur u.” E Iesu i atai i mange, “Ur tabar anuk na sipsipla.

Jon 5:41

“Bel a mang sur a tarai lar atong aleklek iau.

Jon 5:43

A hanot ana risana e Tata, pa bel mulo gas pas iau. Ika ning tik masik ir hanot ana risana ot, io, mulor gas pasi.

Jon 5:44

Mulo mang kol sur a tarai lar atong aleklek pas mulo, pa bel mulo rakrakai sur e God ir atong aleklek mulo, e God i ning takai sot ka. Ning i manglarning, bel mulo tortorot hok.

Jon 8:42

E Iesu i atai la mange, “Ning e God a Tamamulo, io, mulor mang sur iau, anasa a hanot tagun e God, pa ne a kes te. Bel a hanot ana nuknukik, i ot i sune iau.

Jon 8:47

Esining ane God i longor a warwarala ane God. Ika mulo, bel mulo longori, anasa bel mulo ane God.”

Jon 8:55

Mulo, bel mulo tasman e God, iau, a tasmani. Ning ar atongi mang bel a tasmani, iau otleng a tena asasongo lar mulo. A tasman e God, pa a mur anuna warwarala.

A Pas ane Pol tetek a tarai Rom 8:7

Esining a nuknukna i mur a turai a lalaun, i a hirua ane God. Anasa esining a nuknukna i manglarning, bel i anatarna pasi nahai a Warkuraila ane God, pa bel ir tolsot pasi.

1 Jon 2:15

Gong mulo mang sur a rakrakan hanua, pa ututnala otleng ning kaning ia. Ning tik ir mang sur a rakrakan hanua, i asangani mang bel i mang sur a Tamandala.

1 Jon 3:17

Ning tik, anuna al utna, pa i oroi e tasnalik i kapan, ika bel i marisi, a marmaris ane God bel i kes onoi.

1 Jon 4:20

Ning tik ir atongi mang, “A mang sur e God,” ika i nget e tasnalik, i a tena asasongo. Anasa esining bel i mang sur e tasnalik ning i oroi, bel ir mang sur e God ning bel i oroi.

Tatatai 2:23

Par um kol na natnat e Jesabel, sur a tarai a lotu rop lar tasmani mang a tasman a balan a tarai pa a nuknukinla, par kelesi tetek mulo taktakai arlar ot ana numulo na titol.