Jon 4:47 - Label

⁴⁷ Ning i longori mang e Iesu i han misaot na papar Judia utumo e Galili, i han teteki pa i nunungi sur ir han utumo e Kapernaum sur ir alangolango e natna barsan ning milau ir mat.

Jon 4:47 ပူးပေါင်းရင်းမြစ်များ

Matiu 2:1

Di agon e Iesu tumo na hanua Betlihem ting na papar Judia, ana rau ning e Herot i king. Lamur dingla na tena tastasmaila tagun a nangnangla, la han mitingia ana pukna ning a kamis i pusa ot ia, pa la hanot saot e Jerusalem.

A Wakak a Warwara o e Iesu Karisito i tumusi 10:47

I longori mang e Iesu a te Nasaret ka han milau, i arkabah rakrakai mange, “Iesu, Nat e Dewit, ur maris iau.”

Luk 8:41

Ning a barsan, a risana e Jairus, a ningnigo tagun a rumai lotu, i hanot pa i punga tar ting na ris a hana e Iesu. I nunungi sur ir han usa na rumai ngasna,

Jon 11:21

E Mata i atai e Iesu mange, “Leklek, ngandek ning ur kes ot te, a tasiklik bel ir mat.

Jon 11:32

Ning e Maria i hanot ana pukna ning e Iesu i kes ia, i oroi teteki, i kes ana bokona hana salanigo tana, pa i atongi mange, “Leklek, ngandek ning ur kes tar ot te, a tasiklik bel ir mat.”

Jon 4:3

Ning e Iesu ka tasmani mang a Parisaiola la ka longori, i kamtur misaot na papar Judia pa i ulak utumo ana papar Galili.

Jon 4:54

A utna ne, a munaur a akinalang, e Iesu i toli tumo e Galili, ning i han misaot e Judia.

Aposel 9:38

E Lida i kes milau e Jopa, pa ning a tarai a asasaer miting e Jopa la longori mang e Pita kanumo e Lida, la sune naur a barsan teteki pa dia angongosi mang, “Maris mila, ur lamut kapit tetek mila.”