Jon 21:18 - Label

¹⁸ “A atong momoli tam, ning u barman, u ot u amermer pas u, pa u han ana pukna ning u mang sur ur han ia. Ika ning u ka bun, ur atostos naur a kum, pa tik masik ot ir amermer u, pa ir ben u ana pukna ning bel u mang sur ur han ia.”

Jon 21:18 ပူးပေါင်းရင်းမြစ်များ

Luk 12:37

Ning a leklek ir hanot, pa anuna tena titolla la sang, lar angis. A momolna ot ne a atongi ta mulo, ir pas sen anuna kot pa ir akes la ting na logo na hangan pa ir tabar la.

Jon 13:36

E Saimon Pita i dekeni mange, “Leklek, ur han utaha?” E Iesu i kelesi mange, “A hanua ning ar han utingia, onone bel ur han lar pas tingia, ika lamur ur mur iau.”

Jon 21:17

Munatol onoi e Iesu i dekeni mange, “Saimon, nat e Jon, u mang sur iau?” E Pita i nuklingiri, anasa e Iesu ka dekeni munatol mang, “U mang sur iau?” I atai i mange, “Leklek, u tasman a ututnala rop. U tasmani mang a mang sur u.” E Iesu i atai i mange, “Ur tabar anuk na sipsipla.

Jon 21:19

E Iesu i atongi larne, sur ir aslang a ngas a hinirua ning ir kibas e Pita. Ana nuna hinirua ning ir aleklek e God. Lamur i atai i mange, “Ur mur iau.”

Aposel 21:11

I han tetek mila, i los pas a let ane Pol, pa i dot pas naur a hana pa naur a kuna ot ono, pa i atongi mange, “A Talngan Tabu i atongi mange, a tarai Juda saot e Jerusalem lar dot a barsan ning anuna let ne larotne a toli, pa lar sarani uting na kuna tarai ning bel a tarai Juda.”

2 Korin 5:4

Ning kanet dala laun ana palaondala ne, dala tangis pa dala kilang a mamahat. Anasa bel dala mang sur dalar mat, ika dala mang sur dalar mermer ana palaondala tisaot na langit, sur a palaondala ning i sira mat, ir keles sur a palaondala ning ir laun tikin.