Jon 20:31 - Label

³¹ Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Jon 20:31 ပူးပေါင်းရင်းမြစ်များ

Matiu 16:16

Pa e Saimon Pita i kelesi mang, “U a Karisito, a Nat e God ning i laun.”

Matiu 27:54

A ningnigo anuna tena harumla, pa la otleng ning la tur taum onoi sur lar tai alar e Iesu, la kilang a mamais, pa la oroi a ututnala ning i hanot, pa la matmataut kol. La atongi mang, “I momol, a barsan ne a Nat e God.”

Matiu 4:3

Pa a tena alam i hanot teteki, pa i atongi tana mang, “Ning u a Nat e God, ur atai a hatatla ne sur lar hanot a bret.”

A Wakak a Warwara o e Iesu Karisito i tumusi 16:16

Esining i tortorot pa di baptaisi dir alauni. Ika esining bel i tortorot, God ir saran a rakrakai a warkurai teteki sur ir mat.

Luk 1:35

A angelo i kelesi mang, “A Talngan Tabu ir kes hom, pa a rakrakai e God ir poroi alar u. Larning a Tena Totoh ning ur agon pasi, dir atongi mang a Nat e God.

Luk 1:4

sur ur tasmani mang a ututnala di ka asaer tar u onoi, i momol.

Luk 24:47

pa dir warawai ana risana tetek a taraila miting na matanitu rop, turpasi saot e Jerusalem. Dir warawai tetek la mang lar lingir a nuknukinla pa e God ir kepsen anunla na toltol laulau.

Jon 1:49

E Natanael i atai i mange, “Tena asasaer, u a Nat e God, u a King anuna tarai Israel.”

Jon 10:10

A tena kinkinau i hanot ka sur ir kinkinau, pa ir umkol a sipsipla pa ir alaulau la. Ika iau, a hanot sur lar kibas a lalaun, a lalaun ning i bukus ana wakakna.

Jon 19:35

A kaklik asasaer ning i oroi a ututnala ne, i warwara talapor onoi sur mulo otleng mulor tortorot. A warwara talapor ne i momol, pa i ot i tasmani mang i momol.

Jon 20:28

E Tomas i atai i mange, “Nuk a Leklek pa nuk a God!”

Jon 3:18

Esining i tortorot onoi, bel dir warkurai i sur ir mat. Ika, esining bel i tortorot, di ka warkurai tari sur ir mat, anasa bel i tortorot o e Nat e God takai sot ka.

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Aposel 10:43

A propetla rop la warwara o e Iesu, mang esining i tortorot onoi, dir kepsen anuna na toltol laulaula ana risana.”

Aposel 3:16

Ana tortorot ana risana e Iesu, di arakrakai pas naur a hana barsan ning mulo oroi i, pa mulo tasmani. Ana tortorot ana risana e Iesu di alangolango pas a barsan ne namatamulo rop.

Aposel 8:36

Ning dia han amon ana ngas, dia hanot ana ning a malum, pa a te Itiop i atai e Pilip mange, “Oroi, a malum ne. Asa ir sairas iau sur gong di baptais iau?”

Aposel 9:20

Pa i turpas a warawai kakat ana rumai lotula anuna tarai Juda, mang e Iesu a Nat e God.

1 Pita 1:9

Anasa e God ka alaun pas a ingumulo, ine a wana numulo a tortorot.

1 Jon 4:15

Ning tik i patuai mang e Iesu a Nat e God, e God i laun onoi, pa i laun o e God.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

2 Jon 1:9

La ning la han masik kusun a asasaerla ane Karisito pa bel la muri, e God bel i kes onla. Ika la rop ning la mur a asasaerla ne, a Tamandala pa e Natnalik dia kes onla.

Tatatai 2:18

“Ur tumtumus tetek a angelo anuna tarai a lotu tumo e Tiatira mang: Na warwara ne anuna Nat e God esaning naur a kalso matana i arlar ana irnga na iah, pa naur a hana dia arlar ana bras ning di ka tun totoh tari ana iah.