Jon 20:26 - Label

²⁶ Ning a wik alari, a kakak a asaer la kes taum ulak ting narumai, la taum o e Tomas. La tagar alar pas la. Ika e Iesu i turot na arpotor inla, pa i atai la mange, “A bal molmol tetek mulo!”

Jon 20:26 ပူးပေါင်းရင်းမြစ်များ

Matiu 17:1

Lamur tana diono na pukakiar, e Iesu i ben pas e Pita, Jems pa e Jon, a tas e Jems, pa i ben maskan pas ditol usaot na mangir ning i tur kas.

A Wakak a Warwara o e Iesu Karisito i tumusi 16:14

Lamur i hanot pas tetek ning a bonot pa pisir takai a kakak a asaerla kaning la hangan. Pa i warwara rakrakai onla, anasa bel la tortorot, pa a balanla i rakrakai, pa bel la tortorot onla ning la ka oroi tari ning ka laun ulak.

Luk 24:36

Ning kaning ot dia warwara ana ututnala ne, e Iesu ot i tur potor tanla, pa i atongi mang, “A bal molmol tetek mulo!”

Luk 9:28

Ngandek ka siwal a pukakiar alar tar a warwara ning, e Iesu i ben pas e Pita, Jon pa e Jems, pa la han usaot na mangir sur lar nunung.

Jon 11:16

E Tomas, ning di atongi otleng mang a Kasang, i atai a kakak a asaerla mange, “Dalar han taum sur dala otleng dalar mat taum onoi.”

Jon 14:27

A saran a bal molmol tetek mulo, anuka bal molmol ning a tabar mulo ono. Bel a tabar mulo larning a rakrakan hanua i artabar. Gong mulo nuknuk kol, pa gong mulo matmataut.

Jon 20:19

A rahmorom, ana ningnigo na pukakiar ana wik, a kakak a asaer la kes taum, pa la tagar alar la tingui narumai, anasa la matatan a Judala. Pa e Iesu i turot na arpotor inla, pa i atai la mange, “A bal molmol tetek mulo.”

Jon 20:21

E Iesu i atong ulaki tanla mange, “A bal molmol tetek mulo. E Tata i sune iau, mang otleng larning ar sune mulo.”

Jon 21:1

Lamur e Iesu i turot ulak tetek anuna kakak a asaerla tumo na hang a puka tasi Tiberias. A utna ne i hanot larne:

Jon 21:14

Ka munatol na tuntunurot ne ane Iesu tetek anuna kakak a asaerla lamur ana kamkamtur anunai kusun a minat.