Jon 2:18 - Label

¹⁸ A tarai Juda la hanot ulak tetek e Iesu pa la dekeni mange, “Esi na akinalang ur asangan mila ono, sur milar tasmani mang e God i sune u sur ur tol a ututnala ne?”

Jon 2:18 ပူးပေါင်းရင်းမြစ်များ

Matiu 21:23

E Iesu i kas tingui na woroh a rumai a artabar, pa i asaer a tarai. A leklek a tena artabarla tetek e God pa a ningnigola anuna tarai la han teteki. Pa la dekeni mang, “Esi na ngas a rakrakai ning u tol a ututnala ne ono? Esi i saran a rakrakai ne tetek u?”

A Wakak a Warwara o e Iesu Karisito i tumusi 8:11

A Parisaiola la hanot tetek e Iesu pa la arlak na warwara tataum ono. La mang sur lar tohi. La nunungi sur ir tol ta akinalang sur ir asangani mang i misaot na langit.

Luk 11:29

Ning a kunum a tarai la rurnga taum tetek e Iesu, i atai la mang, “A tarai tagun anone, a laulau a tarai. La mang sur ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona.

Jon 1:19

A ningnigola ana tarai Juda la mitisa e Jerusalem, la sune sen a tena artabarla, pa dingla na tarai tagun a mangis a tarai Liwai, tetek e Jon sur lar dekeni mang, “U esi?”

Jon 1:25

la dekeni mange, “U atongi mang, u bel e Karisito, pa bel otleng u e Elaija, pa bel u a propet, ning di atongi mang ir hanot. Ning i manglarning, sur asa u baptais a taraila?”

Jon 6:30

Pa la dekeni mange, “Ur tol esi na akinalang sur milar oroi pa milar tortorot hom onoi? Asa ning ur toli?

Aposel 4:7

La ben pas e Pita pa e Jon pa dia tur namatanla, pa la deken diau mang, “Esi na ngas a rakrakai, pa ana risana esi, ning mu tol a utna ne onoi?”

Aposel 5:28

“Mila ka sairas rakrakai tar mulo mang gong mulo asaer a taraila ana risana e Iesu. Ika onone, a hanua Jerusalem ka bukus ana numulo na asasaer, pa mulo mang sur mulor arup mila ona minat e Iesu.”