Jon 19:35 - Label

³⁵ A kaklik asasaer ning i oroi a ututnala ne, i warwara talapor onoi sur mulo otleng mulor tortorot. A warwara talapor ne i momol, pa i ot i tasmani mang i momol.

Jon 19:35 ပူးပေါင်းရင်းမြစ်များ

Jon 11:15

Pa iau, a gas ning bel a kes tumo, sur mulor tortorot. Pa dalar han teteki.”

Jon 11:42

A tasmani mang u sira longor tak, ika a warwara larne, kamkamna ana taraila ne, sur lar tortorot mang u sune iau.”

Jon 14:29

Ia ka atai nigon tar mulo ana ututnala ning lamur ir hanot, pa ning ka hanot, mulor tortorot.

Jon 15:27

Pa mulo otleng mulor warwara talapor hok, anasa mulo kes taum hok ana nuk a kamkama titol tuk onone.

Jon 19:26

Ning e Iesu i oroi e tana tingia, dia tur taum ana kaklik asasaer ning e Iesu i katnani, i atai e tana mange, “Nana, i ning a natumlik.”

Jon 20:31

Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Jon 21:24

A kaklik asasaer kane, i ning i warwara talapor ana ututnala ne, pa i tumus akesi. Pa dala tasmani mang anuna warwara talapor, i momol kol.

Aposel 10:39

“Pa mila na tena warwara talapor ana ututnala rop ning mila oroi, ning i sira toli ana hananuala anumila a tarai Juda, pa saot e Jerusalem. Di umkoli saot na rakai kutus,

A Pas ane Pol tetek a tarai Rom 15:4

Anasa a warwarala rop ning di ka tumus tari nating ting na Buk Tabu, di tumus tari sur ir asaer dala, sur dalar tur rakrakai ana nundala tortorot, pa ir nangan dala otleng sur dalar harnanai ana tortorot sur a utna ning e God ir toli lamur.

1 Pita 5:1

Onone ar warwara tetek mulo na ningnigo ana lotu, ning iau otleng a ningnigo arlar o mulo. Ning e Karisito i kilang a kankan ia ka oroi tari, pa lamur ning ir hanot, iau otleng taum o mulo, dalar kimkibas ana nun a matatar.

1 Jon 5:13

A tumus a ututnala ne tetek mulo, ning mulo tortorot ana risana e Nat e God, sur mulor tasmani mang mulo ka kibas a lalaun tikin.

3 Jon 1:12

A taraila rop la warwara talapor o e Demitrius, mang a wakak a barsan, pa anuna momol a asasaerla otleng i warwara talapor onoi. Mila otleng mila warwara talapor onoi, pa u tasmani mang anumila na warwara i momol.