Jon 16:33 - Label

³³ “A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Jon 16:33 ပူးပေါင်းရင်းမြစ်များ

Matiu 9:2

Pa dingla na tarai la los otnan ning a barsan teteki, a palaona i mat pa i borbor tar ka ana logo ngasna. Ning e Iesu i oroi anunla tortorot, i atai a barsan ning mang, “Natuklik, gong u matmataut, di ka kepsen tar anum na toltol laulau.”

Luk 19:38

“A king ning i hanot ana risan a Leklek i angis! Buk Song 118:26 A bal molmol usaot na langit, pa a matatar usaot tetek e God!”

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Jon 12:31

Onone ka taem sur dir warkurai a rakrakan hanua, pa dir alulu sen e Satan, a ningnigo tagun a rakrakan hanua.

Jon 14:1

E Iesu i atai la mange, “Gong mulo nuknuk kol. Mulor tortorot o e God, pa mulor tortorot otleng hok.

Jon 14:27

A saran a bal molmol tetek mulo, anuka bal molmol ning a tabar mulo ono. Bel a tabar mulo larning a rakrakan hanua i artabar. Gong mulo nuknuk kol, pa gong mulo matmataut.

Jon 16:11

Pa ir asangan la otleng ana warkurai ane God anasa e God ka warkurai tar a ningnigo ana rakrakan hanua.

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

Aposel 23:11

Ana morom ning, a Leklek i hanot tetek e Pol, pa i atai i mange, “Gong u matmataut, ur tur rakrakai. U ka warwara talapor tar hok te e Jerusalem, mangotleng larning ur warwara talapor hok tumo e Rom.”

Aposel 27:22

Pa onone, a nunung mulo mang, gong mulo matmataut, anasa bel tik ta halimulo ir hirua, a sip ka ir hirua.

Aposel 27:25

Pa a tastasikla, gong mulo matmataut, anasa a tortorot o e God mang ir tolsot asaning ka atai tar iau onoi.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

2 Korin 1:3

Dalar atong aleklek pas e God a Taman a Leklek anundala e Iesu Karisito, pa a Tamandala otleng, ning a tena marmaris, pa a kamkama ngas a armoro rop.

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.

2 Korin 2:14

Ika a atong wakak tetek e God, anasa e Karisito i nigon mila arlar ana king ning ka tolsot pas a hiruala pa i nangan mila sur milar warwara puasa ting na hananuala rop ana Wakak a Warwara o e Karisito. A Wakak a Warwara i arlar ana tomtoboh tetek la ning la longori.

2 Korin 4:7

A talapor ne, ning kane o mila, i arlar ana utna ning a matana i abit kol. Ika mila arlar ka ana kuro orosla ning di toli ana piopap, sur ir talapor mang, a tnan rakrakai ning kane o mila, ta e God ot, bel mite o mila.

2 Korin 6:4

A titolla rop ning mila sira toli, i asangani mang mila na tena titol ane God. Mila tur rakrakai ning mila kilang a mamahatla pa a kankanla pa akadikla.

2 Korin 7:4

A tortorot o mulo. Pa sira iaunan mulo. Anumulo a lalaun i arakrakai iau. Anuka gasgas i pulpulas arpotor ana mamahatla ning mila kilangi.

Galesia 1:4

E Iesu i saran anuna lalaun sur anundala na toltol laulau, sur ir alangolango dala kusun a toltol laulaula ning a tarai la toli ana raula ne, mang ot lar a nuknuk ana nundala God a Tamandala.

Galesia 6:14

Iau ot bel ar aitna pas iau. Ar aitna pas ka anundala Leklek e Iesu Karisito ning i mat saot na rakai kutus. Anasa saot na rakai kutus, a toltol mite na rakrakan hanua i mat kusun iau, pa iau otleng, ia ka mat kusun a toltolla mite na rakrakan hanua.

Pilipai 4:7

Pa bal molmol ane God ning i itna kol tana tastasmai rop anuna taraila, ir tai alar a balamulo pa a nuknukimulo, anasa mulo ane Karisito Iesu.

Kolosi 1:20

Pa ana minat e Natnalik, a ututnala rop la ulak teteki sur lar kes na armoro taum onoi, a ututnala te lapiu pa a ututnala saot na langit. I tol a bal molmol ana suluk e Natnalik ning i mat saot na rakai kutus.

1 Tesalonika 3:4

Ning dala kes taum, mitol sira atai mulo mang dir alaulau dala. Pa mulo ka tasmani mang a mamahatla ning ka hanot.

1 Tesalonika 3:7

Na tastasimitol, ning mitol kes na arpotor ana mamahatla ning mitol kilangi pa akadikla, anumulo a tortorot i arakrakai mitol.

2 Tesalonika 3:16

Mitol nunung a Leklek ning a kamkama bal molmol, sur i ot ir tabar mulo ana bal molmol ana pukakiarla rop pa ana urmatana keskes ning mulo barati. A Leklek ir kes taum o mulo rop.

2 Timoti 3:12

Momol, a tarai lar akadik la rop ning la laun taum o e Karisito Iesu pa la mang sur lar mur a lalaun arlar ana nuknuk e God.

Hibru 11:25

I aslang pasi sur ir kilang kankan taum ana tarai ane God, pa bel i mang sur ir mur na toltol laulau ning anuna gasgas bel ir bongnani.

Hibru 7:2

Pa e Abaram otleng i saran tar taktakai kusun ning a bonot ta e Melkisedek miting na ututnala rop ning i kibasi ning i tolsot pas a harum. A risana e Melkisedek, a kamkamna mang a king anuna tostos a toltol. Pa a king mitimo e Salem, a kamkamna mang a king a molmol.

1 Pita 5:9

Mulor tur rakrakai ana tortorot pa mulor sairasi, anasa mulo tasmani mang na tastasimulo te na rakrakan hanua rop la kilang na kankan arlar o mulo.

1 Jon 2:13

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo ka tolsot pas e Satan. A tumtumus tetek mulo a kakakla, anasa mulo ka tasman e Tamandala.

1 Jon 4:4

Na natnatukla, mulo ane God, pa mulo ka tolsot pas a propet asasongola, anasa a Talngan Tabu ning kaning o mulo, i leklek kol ta e Satan ning i kes te na rakrakan hanua.

1 Jon 5:4

Anasa la ning na natnat e God, la ka tolsot pas a rakrakan hanua. A rakrakai ning dala tolsot pas a rakrakan hanua onoi mange: anundala tortorot.

Tatatai 12:11

Na tastasindala la ka tolsot pasi ana suluk a Nat a Sipsip pa ana nunla na warwara talapor. Bel la mangan alar anunla a lalaun kusun a minat.

Tatatai 3:21

Esining i tolsot pas a harum, ar malmaling sur miar kes taum ana nuk a keskes a king, larning a tolsot pas a harum, pa a kes taum o e Tata ana nuna keskes a king.

Tatatai 7:14

Pa kelesi mang, “Leklek, u ot u tasmani.” Pa i atongi tak mang, “La ne, la ning la ka laun ot miting na tnan kankan ning i monong la. La ka gos kokok pas anunla na kaen ana suluk a Nat a Sipsip.