Jon 16:28 - Label

²⁸ Ia ka han pas miting ta e Tata, pa a han ute na rakrakan hanua. Pa ne, ar han ma kusun a rakrakan hanua, ar ulak tetek e Tata.”

Jon 16:28 ပူးပေါင်းရင်းမြစ်များ

Luk 24:51

Ning kaning ot i atong angis la, i han kusun la, pa e God i los kas pasi usaot na langit.

Luk 9:51

Ning ka milau a pukakiar sur dir los e Iesu usaot na langit, a nuknukna i rakrakai sur ir han usaot e Jerusalem, pa i turpas a tinan.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

Jon 13:3

E Iesu i tasmani mang e Tamana ka saran arop tar a ututnala rop nakuna, pa i tasmani mang i hanot ot tagun e God, pa ir ulak tetek e God.

Jon 14:28

“Mulo ka longor tar asaning ia ka atong tari mang, ‘Ar han pas pa ar ulak tetek mulo.’ Ning mulo mang sur iau, mulor gas mang ar han tetek e Tata, anasa i leklek tak.

Jon 16:10

Pa ir asangan la otleng ana tostosna, anasa ar han tetek e Tata pa bel mulor oroi ulak iau.

Jon 16:16

“Bel ir bongnani, pa bel mulor oroi iau. Pa bel ir bongnani kale, mulor oroi iau.”

Jon 16:30

Onone mila ka tasmani mang u tasman a ututnala rop. Bel u kapan sur tik ir deken u anal deke, anasa u ka tasman arop tar a nuknukimila. Ne mila bot tortorot mang u han miting ta e God.”

Jon 16:5

“Onone, ar han tetek esaning i sune iau ute. Ika bel tik ta halimulo i deken iau mang, ‘Ur han utaha?’

Jon 17:11

Onone ar han tetek u, bel ma ar kes te na rakrakan hanua, ika la, kanet na rakrakan hanua. Tata u ka masik, ur tai alar la ana rakrakai a risam, a risam ning u sarani tak. Ur tai alar la sur lar takai ka, larning u pa iau, dau takai ka.

Jon 17:13

“Onone ar han tetek u, ika a atong a warwarala ne ning kanet a kes te na rakrakan hanua, sur anuka tnan gasgas ir bukus ting na nunla lalaun.

Jon 17:5

Tata, onone, ning ar kes taum ulak hom, ur saran a matatar tak. A matatar ning nating kane hok pa kaning hom, ning belot di akes a rakrakan hanua.

Jon 8:14

Pa e Iesu i keles la mange, “Ning iau ot a warwara talapor hok, anuka warwara talapor i momol, anasa iau ot a tasman a hanua ning a han taguni, pa hanua ning ar han suri. Ika mulo, bel mulo tasman a hanua ning a han taguni, pa hanua ning ar han suri.

Jon 8:42

E Iesu i atai la mange, “Ning e God a Tamamulo, io, mulor mang sur iau, anasa a hanot tagun e God, pa ne a kes te. Bel a hanot ana nuknukik, i ot i sune iau.