Jon 16:20 - Label

²⁰ A atong momoli ta mulo, mulor bal maris pa mulor domos, ika a taraila mite na rakrakan hanua lar gas. Mulor bal maris, ika lamur anumulo a bal maris ir keles sur a gasgas,

Jon 16:20 ပူးပေါင်းရင်းမြစ်များ

Matiu 21:38

Ika, ning a tarai a titol la oroi pas e natnalik la warwara artalai tanla mang, ‘Esaning ir keles e tamana, i ma ine ot. Mulo lamut, dalar umkoli, sur anundalai ma a barim a wain.’

Matiu 5:4

La ning la domos, la angis, anasa e God ir amoro la.

A Wakak a Warwara o e Iesu Karisito i tumusi 14:72

Pa a kok i munaur na kurkurirakuk kakat. Pa e Pita i nuk pas a warwara ning e Iesu ka atong tari tana mange, “Ning a kok belot ir areur a kurkurirakuk, ur munatol na puai mang bel u tasman iau.” I nuk pasi pa i tangis kol.

A Wakak a Warwara o e Iesu Karisito i tumusi 16:10

E Maria Magdalen i han pa i atai la ning la sira mur e Iesu, ning la balmamahat pa la tangis suri.

Luk 22:45

I ararop ana nunung, i kamtur pa i han ulak tetek a kakak a asaerla, pa i oroi la ning la ka borbor duman, anasa a palaonla i ngol ana bal maris.

Luk 22:62

Pa i purum kusun a pukna ning, pa i tangis rakrakai kol.

Luk 23:27

A tnan kunum a taraila la mur e Iesu. Arpotor inla, a gurarala otleng, ning la bal maris pa la tangsani.

Luk 24:17

E Iesu i deken diau mang, “Asa ning mu warwara amon ono ting na numu a tinan?” Dia tur tar ka pa dia tatatai na bal maris.

Luk 24:21

Mila tortorot ono mang i ning ir alangolango e Israel. Pa onone otleng, ka natol a pukakiar alar a ututnala ning la toli.

Luk 6:21

Mulo ning mulo murak onone, mulo angis, anasa lamur mulor masur. Mulo ning mulo domos onone, mulo angis, anasa lamur mulor lagar.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Jon 16:6

Mulo bal maris kol anasa a atai mulo ana warwarala ne.

Jon 20:20

Ning i atong tari larne, i asangan naur a kuna pa a kabarangragaina tanla. A kakak a asaerla, la gas kol ning la oroi a Leklek.

Aposel 5:41

Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

A Pas ane Pol tetek a tarai Rom 5:11

Bel i ka i ning, dala gas otleng o e God, anasa ana nundala Leklek e Iesu Karisito, ning ka amoro taum tar dala o e God.

2 Korin 6:10

Mila bal maris, ika mila sira gas ana pukakiarla rop. Mila kapan, ika mila sira angisngis a galis a tarai ana gongon ana ingun. Bel anumila al utna, ika a ututnala rop anumila.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

1 Tesalonika 1:6

Mulo ka mur pas a ginimitol pa a ginina Leklek. A tarai la alaulau mulo, ika mulo tong akes a warwara ana gasgas, ning a Talngan Tabu i sarani ta mulo.

Jems 1:2

Na tastasikla, ning al ngas a mamahat ir hanot tetek mulo, mulor gas,

A Pas ane Jut 1:24

Dalar atong aleklek pas e God, ning i tolsot pas sur ir tai alar mulo sur gong mulo punga, pa ir atur mulo namatan anuna matatar, ana tnan gasgas pa bel ta artitiu ir kibas mulo.

Tatatai 11:10

Pa na tarai miting na rakrakan hanua lar gas ka on diau, lar asangan anunla na gasgas ona artabar tetek la artalai, anasa naur a propet ne dia akadik a tarai te na rakrakan hanua.

Tatatai 18:7

Dir saran a tnan kankan pa a tnan bal maris tana, ir galis arlar ana tnan matatar pa a keskes na leklek ning i tong akesi. I nuki ono i ot mang, ‘Iau a kwin, pa a kes ana nuk a keskes a kwin. Bel iau a lao, bel ar bal maris lar pas.’