Jon 15:10 - Label

¹⁰ Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

Jon 15:10 ပူးပေါင်းရင်းမြစ်များ

Jon 10:18

Bel tik ir kepsen anuka lalaun, iau ot ar saran tari. Iau ot a warkurai sur ar saran tari, pa ar los ulak pasi. A titol ne ning e Tata i sune iau sur ar toli.”

Jon 12:49

Anasa a warwarala ning ia ka atong tari bel anuki, e Tata ot i sune iau ono ute sur ar atongi pa ar atong mangmangasa i.

Jon 14:15

“Ning mulo mang sur iau, mulor mur anuk na warkuraila.

Jon 14:21

Esining i tong akes anuk na warkuraila pa i muri, i ning i mang sur iau. Pa e Tata ir mang suri, pa iau otleng ar mang suri, pa ar asangan iau tana.”

Jon 14:23

E Iesu i kelesi mange, “Ning tik ir mang sur iau, ir longor ana nuk na asasaer. Pa e Tata ir mang suri, pa miar han teteki, pa miar kes taum onoi.

Jon 14:31

ika ar tolsot arop pas a ututnala ning e Tata i sune iau sur ar toli, sur a rakrakan hanua ir tasmani mang a mang sur e Tata. “Mulor tur pa dalar han.”

Jon 17:4

Ia ka asangan tar a matatarim te na rakrakan hanua, ana titolla ning u sune iau ono pa ia ka tol arop tari.

Jon 4:34

E Iesu i atai la mange, “Aka utna na hangan ine, ar mur a nemnem ane si ning i sune iau ute, pa ar tol arop anuna titol.

Jon 8:29

Esaning i sune iau i kes taum hok, bel i han kusun iau, anasa a sira tol asaning i gas onoi.”

Jon 8:55

Mulo, bel mulo tasman e God, iau, a tasmani. Ning ar atongi mang bel a tasmani, iau otleng a tena asasongo lar mulo. A tasman e God, pa a mur anuna warwarala.

1 Korin 7:19

A toltol ning di kot talilis a palaona tik, o bel di kot talilis a palaona, i a utna oros ka. Ika a toltol ning tik i mur a warkuraila ane God, i ning, i itna kol.

1 Tesalonika 4:1

Na tastasimitol, mitol ka asaer tar mulo ana ngas a lalaun sur mulor laun taum ono sur ir agasgas e God. Larotning mulo ka muri. Pa onone mitol nunung mulo, pa mitol arakrakai mulo ana risana Leklek e Iesu, sur anumulo a ngas a lalaun larning ir itna pa ir gomo rakrakai.

Hibru 7:26

E Iesu i a ningnigo na tena artabar, ning i sira nangan dala. I totoh namatana e God, bel dir arup sot pasi on ta rongo, pa bel ta dur namatana e God. E God i akes maskan tari kusun a laulau a tarai, pa i alekleki tisaot na langit.

2 Pita 2:21

Ngandek ning bel la tasman a ngas ana tostos a toltol, kar wakak tetek la. Ika onone, i laulau kol tetek la, ning la ka tasmani, ika la gilam masik kusun a totoh a warkurai ning di ka abaran tari tanla.

1 Jon 2:3

Ning dala longor ana nuna warkuraila, dala talapor mang dala tasman ot e God.

1 Jon 2:5

Ning tik ir longor ana warwara ane God, ir mang momol sur e God. Dala tasmani dala ane God mange:

1 Jon 2:6

Ning tik i atongi onoi mang ai ane God, ir laun arlar ana lalaun ane Karisito.

1 Jon 5:3

Dala mang sur e God mange: Dalar longor ana nuna na warkuraila. Pa anuna na warkuraila bel la ngangaten sur dalar mur la.

Tatatai 22:14

“La ning la gos anunla na kaen, la angis, pa i tostos sur lar hangan miting na rakai a lalaun pa lar kas ting na taman a woroh na hanua ning.