Jon 14:31 - Label

³¹ ika ar tolsot arop pas a ututnala ning e Tata i sune iau sur ar toli, sur a rakrakan hanua ir tasmani mang a mang sur e Tata. “Mulor tur pa dalar han.”

Jon 14:31 ပူးပေါင်းရင်းမြစ်များ

Matiu 26:39

I han siklik tar usa lanigo, i punga tuntudu tar ting na piu, pa i nunung mang, “Tata, ngandek ning ir sot, ur kibas sen a kap a mamahat ne kusun iau. Ika gong u mur a nuknukik, ur mur ot a nuknukim.”

Matiu 26:46

Mutol kamtur, dala kar han! Oroi, a barsan ning ir saran tar iau uting na kun a hiruala, ka hanot.”

Luk 12:50

A baptais ona minatik kaning ot ning dir baptais iau onoi, pa onone a los a tnan mamahat tuk ning dir tolsot pasi.

Jon 10:18

Bel tik ir kepsen anuka lalaun, iau ot ar saran tari. Iau ot a warkurai sur ar saran tari, pa ar los ulak pasi. A titol ne ning e Tata i sune iau sur ar toli.”

Jon 12:27

“Onone anuka lalaun i mamahat kol. Asa ning ar atongi? Mangmangasa, ar atongi larne, ‘Tata, gong u noren tar a mamahat ne ir hanot tetek iau’? Bel! Bel ar nunung larne, a kamkamna ot ne, ning a hanot suri.

Jon 12:49

Anasa a warwarala ning ia ka atong tari bel anuki, e Tata ot i sune iau ono ute sur ar atongi pa ar atong mangmangasa i.

Jon 13:1

Ning ka milau a lotu na Han Lakai, e Iesu ka tasmani mang ka milau sur ir han kusun a rakrakan hanua, pa ir han tetek e Tamana. I maris kol anuna taraila ning la kes te na rakrakan hanua, pa ine i asangan anuna tnan marmaris tetek la, a marmaris ning bel ta araropna.

Jon 15:9

E Tata i mang sur iau, larning iau otleng a mang sur mulo. Mulor laun ana nuk a marmaris.

Jon 18:11

E Iesu i atai e Pita mange, “Akas ulak anuma liwan ting na ngasna. Mangasa, bel ar gang ana kap a mamahat ning e Tata i saran tari tak?”

Jon 4:34

E Iesu i atai la mange, “Aka utna na hangan ine, ar mur a nemnem ane si ning i sune iau ute, pa ar tol arop anuna titol.

Pilipai 2:8

Pa na tarai la oroi mang, i a barsan momol. I anatarna pasi, pa i longor pa i saran tari ot sur ir mat. Momol ot, i mat saot na rakai kutus.