Jon 14:23 - Label

²³ E Iesu i kelesi mange, “Ning tik ir mang sur iau, ir longor ana nuk na asasaer. Pa e Tata ir mang suri, pa miar han teteki, pa miar kes taum onoi.

Jon 14:23 ပူးပေါင်းရင်းမြစ်များ

Jon 10:30

Miau ma e Tata, miau takai ka.”

Jon 14:15

“Ning mulo mang sur iau, mulor mur anuk na warkuraila.

Jon 14:17

a Talngan Tabu na momolna. A taraila tagun a rakrakan hanua bel la mang suri, anasa bel la oroi lalani pa bel la tasmani. Ika mulo, mulo tasman a Tena Arnangai anasa i kes taum o mulo pa ir kes o mulo.

Jon 14:21

Esining i tong akes anuk na warkuraila pa i muri, i ning i mang sur iau. Pa e Tata ir mang suri, pa iau otleng ar mang suri, pa ar asangan iau tana.”

Jon 14:24

Ika esining bel i mang sur iau, bel ir longor ana nuk na asasaer. A warwarala ning mulo longori bel anuki, anun e Tata, ning i sune iau.

Jon 15:10

Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

Jon 16:27

anasa e Tata ot i mang sur mulo. I mang sur mulo anasa mulo mang sur iau, pa mulo tortorot mang a hanot miting ta e God.

Jon 6:56

Esining ir ien a palaok pa ir gang a sulukik, ir laun hok, pa iau ar laun onoi.

Jon 8:51

A atong momoli ta mulo, esining ir mur anuka warwara, bel ir mat.”

Jon 8:52

Dingla na Juda la atai i mange, “Onone mila tasman momoli mang a mot kaning hom! E Abaram ka mat, pa a propetla otleng la ka mat, ika u atongi mang esining ir mur anuma warwara bel ir mat.

2 Korin 6:16

A asasongo na godla pa rumai a artabar ane God diar malmaling taum mangasa? Anasa dala ot a rumai a artabar ane God ning i laun. Larning e God ka atong tari mange, “Ar kes taum onla, pa ar han arpotor tanla. Pa iau anunla a God, pa la anuka taraila.” Liwai 26:12

Epeses 3:17

sur e Karisito ir kes uting na balamulo, ning mulo tortorot onoi. Pa a nunung mang a wakwakirim mulo ir tong kes ana marmaris pa mulo tur rakrakai onoi,

1 Jon 2:24

I wakak ning a asasaerla rop ning mulo longor tari nating ot ir laun o mulo. Ning i laun o mulo, mulo otleng mulor laun o e Natnalik, pa o e Tamana.

1 Jon 2:5

Ning tik ir longor ana warwara ane God, ir mang momol sur e God. Dala tasmani dala ane God mange:

1 Jon 4:4

Na natnatukla, mulo ane God, pa mulo ka tolsot pas a propet asasongola, anasa a Talngan Tabu ning kaning o mulo, i leklek kol ta e Satan ning i kes te na rakrakan hanua.

1 Jon 5:3

Dala mang sur e God mange: Dalar longor ana nuna na warkuraila. Pa anuna na warkuraila bel la ngangaten sur dalar mur la.

2 Jon 1:6

A marmaris i manglarne: Dalar mur a warkurai ane God. Anuna warkurai, ning nating mulo ka longor tari, i manglarne, mulor laun ana marmaris.

Tatatai 21:22

Bel a oroi ta rumai artabar ting na hanua ning, anasa a Leklek e God, ning i rakrakai kol, pa Nat a Sipsip, diau a rumai artabar tingia.

Tatatai 21:3

Pa a longor a tnan elngen takai misaot ana keskes a king i atongi mang, “Oroi, a hanua ane God ka kes taum ona tarai. I ot ir kes taum on la, pa lar hanot anuna tarai. E God ir kes taum on la, pa ir hanot anunla God.

Tatatai 22:3

A laulau a ututnala ning a balakut ane God i kes ono, bel ulak ma dir oroi tari. A keskes a king ane God pa anuna Nat a Sipsip ir kes ting na hanua ning, pa na tena titol oros otleng ane God lar lotu teteki.