Jon 14:16 - Label

¹⁶ Pa ar nunung e Tata, pa ir sune ning a Tena Arnangai otleng tetek mulo, sur ir kes tikin taum o mulo,

Jon 14:16 ပူးပေါင်းရင်းမြစ်များ

Matiu 28:20

Pa mulor asaer la sur lar mur a warwarala rop ning ia ka atong tari ta mulo. Pa oroi, iau ar kes taum o mulo tuk ana araropna.”

Jon 14:14

Ning mulo nunung sur ta utna ana risak, ar tolsot pasi.

Jon 14:18

Ning ar han kusun mulo, bel mulor kes na biasui, ar ulak ka tetek mulo.

Jon 14:26

A Tena Arnangai, a Talngan Tabu, ning e Tata ir sune i ana risak, ir asaer mulo ana ututnala rop, pa ir anuknuk mulo ana warwarala ning ia ka atai tar mulo ono.

Jon 15:26

“Ar sune a Tena Arnangai tetek mulo misaot ma e Tata, i a Talngan Tabu na momolna. Ning ir hanot ir warwara talapor hok.

Jon 16:22

Mang otleng larning tetek mulo, onone mulo bal maris, ika ar oroi ulak mulo, pa mulor gas. A gasgas ne, bel tik ir kepseni kusun mulo.

Jon 17:15

Bel a nunung u sur ur kepsen la kusun a rakrakan hanua. Ika a nunung u sur ur tai alar la kusun a Tena Laulau.

Jon 17:20

“Bel a nunung ka sur la. A nunung otleng sur la ning lamur lar tortorot hok, anasa ana warwara talapor anuna tena tortorotla.

Jon 4:14

Ika esining ir gang a malum ning ar tabari ono, bel ir mos ulak. A malum ning ar tabari ono, i arlar ana matmatana malum ana nuna lalaun, ning ir burburak ot, pa ir tabari ana lalaun tikin.”

Jon 7:39

E Iesu i warwara ana Talngan Tabu, ning dir tabar la ono ning la tortorot onoi. Belot di saran a Talngan Tabu, anasa e Iesu belot i kibas anuna matatar.

Aposel 1:4

Ona ning a pukakiar tagun a pukakiarla ning, ning ka kamtur ulak kusun a minat, la hangan taum pa i sairas la mang, “Gong mulo han kusun e Jerusalem, mulor kes nanan a Talngan Tabu ning e Tata i lele tar onoi, ning ia ka atai tar mulo ono.

Aposel 13:52

Pa tarai a asasaer tumo e Antiok la bukus taum ana gasgas, pa Talngan Tabu.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

A Pas ane Pol tetek a tarai Rom 14:17

Anasa a matanitu ane God bel tagun a hangan pa gang. A matanitu ane God tagun a tostos a toltol, a bal molmol pa gasgas ana Talngan Tabu.

A Pas ane Pol tetek a tarai Rom 15:13

Pa nunung tetek e God, esaning dala harnanai suri ana tortorot sur a wakakna ning ir toli. A nunung sur ir abukus mulo ana tnan gasgas pa a bal molmol, ning mulo tortorot onoi. Pa ana rakrakai ana Talngan Tabu ot, mulor harnanai ana tnan tortorot sur a wakakna ning e God ir toli lamur.

A Pas ane Pol tetek a tarai Rom 5:5

Ning dala harnanai ana tortorot, dala tasmani mang asaning e God ka lele tar onoi ir hanot ot. Anasa e God ka saran tar a Talngan Tabu tan dala. Pa Talngan Tabu ka pek tar a marmaris ane God te na balandala.

A Pas ane Pol tetek a tarai Rom 8:34

Esining ir atai e God mang ir saran a warkurai na arkeles tetek dala? Bel tik ir tolsot pasi, anasa e Karisito Iesu ka mat sur dala. Bel i ka i ning i toli, e God ka akamtur ulak pasi kusun a minat, pa onone, kanisa ma ot i kes ting na sot a kuna e God, pa i sira nunung sur dala.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Pilipai 2:1

Anumulo a lalaun ane Karisito i arakrakai mulo, anuna marmaris i amoro mulo, mulo laun taum ana Talngan Tabu, mulo sira mang sur al tarai, pa mulo sira maris la.

2 Tesalonika 2:16

Anundala Leklek e Iesu Karisito ot pa e God a Tamandala, i maris dala, pa ana nuna marmaris i tabar dala ana warwara na armoro ning bel ir rarop, pa i nangan dala sur dalar harnanai ana tortorot sur a wakakna ning ir toli.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

1 Jon 2:27

A Talngan Tabu ning e Karisito i saran tari tetek mulo, i patap o mulo, pa bel mulo kapan sur tik ir asaer mulo. Anasa a Talngan Tabu i asaer mulo ana ututnala rop. Pa a utna ning i asaer mulo ono i momol, pa bel i asongo. Mulor nuk akes a asasaer ne sur mulor patap o e Karisito.

2 Jon 1:2

Mila mang sur mulo anasa ana momolna ning i laun ondala, pa ir kes tikin taum ondala.