Jon 12:16 - Label

¹⁶ A kakak a asaerla ane Iesu bel la tasmani mang a ututnala ning di ka tumus nigon tari ting na Buk Tabu. Ika ning e Iesu ka kes ana nuna matatar, io, la bot nuk lalani mang di ka tumus tar a ututnala ne o e Iesu, pa di ka tol tar a ututnala ne onoi.

Jon 12:16 ပူးပေါင်းရင်းမြစ်များ

A Wakak a Warwara o e Iesu Karisito i tumusi 16:19

Ning a Leklek e Iesu ka warwara tar tanla, e God i rakan pasi usaot na langit, pa i kes ana sot a kuna.

A Wakak a Warwara o e Iesu Karisito i tumusi 9:32

Bel la talapor ana kamkama warwara ne, pa la matmataut sur lar dekeni.

Luk 18:34

A kakak a asaerla bel la talapor ana ututnala rop ne. A kamkamna i kes mumun kusun la, pa bel la tasman asaning i warwara ono.

Luk 24:25

Pa e Iesu i atongi tandiau, “Mu longlong ka, bel mu tortorot kapit ana warwarala rop ning a propetla ka atong tari.

Luk 24:45

Pa e Iesu i atalapor a nuknukinla sur lar tastasmai ana Buk Tabu.

Luk 9:45

Ika a kakak a asaerla bel la talapor ana kamkama warwara ne. Di bunuri ka tanla, sur gong la tasman lalani. Pa la matmataut sur lar deken e Iesu onoi.

Jon 12:23

Pa e Iesu i keles diau mange, “A pukakiar ka hanot ning dir mermer a Nat a Barsan.

Jon 14:26

A Tena Arnangai, a Talngan Tabu, ning e Tata ir sune i ana risak, ir asaer mulo ana ututnala rop, pa ir anuknuk mulo ana warwarala ning ia ka atai tar mulo ono.

Jon 16:4

A atai tar mulo ana warwarala ne, sur ning a taem ir hanot, mulor tasmani mang ia ka atumarang nigon tar mulo. Ana kamkama nuka titol, bel a atai tar mulo ana warwarala ne, anasa kanet a kes taum o mulo.

Jon 17:5

Tata, onone, ning ar kes taum ulak hom, ur saran a matatar tak. A matatar ning nating kane hok pa kaning hom, ning belot di akes a rakrakan hanua.

Jon 2:22

Lamur ning e Iesu ka laun ulak kusun a minat, anuna kakak a asaerla la nuk pas a warwara ne. Pa la bot tortorot ana Buk Tabu, pa ana warwara ning e Iesu ka atong tari.

Jon 7:39

E Iesu i warwara ana Talngan Tabu, ning dir tabar la ono ning la tortorot onoi. Belot di saran a Talngan Tabu, anasa e Iesu belot i kibas anuna matatar.

Aposel 2:33

Di aleklek pasi pa di akesi ting na sot a kuna e God, pa e God e Tamana ka saran tar a Talngan Tabu teteki larning i lele tari, pa onone e Iesu ka saran purum tar a utna ne ning mulo oroi pa mulo longori.

Aposel 2:36

“Mulo a tarai Israel rop mulor tasman wakaki, mang e Iesu ning mulo sai ahati saot na rakai kutus, e God ka akesi sur ir Leklek pa ir Karisito otleng.”

Aposel 3:13

E God ot i toli. A God ane Abaram, Aisak pa e Jekop, e God anuna nundala mangis a tarai tagun nating, i aleklek e Iesu anuna tena titol. Mulo saran tari sur dir sai koli, pa mulo puain seni namatana e Pailat, ning i mang sur ir pak seni.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 8:1

A tnan utna ning mila ka warwara pas ono i mange: Anundala ningnigo na tena artabar tetek e God, ning ka kes tar ana ris a sot a kuna keskes ane God, a leklek a King kol saot na langit.