Jon 11:52 - Label

⁵² Pa bel sur la ka, sur a taraila rop otleng ane God ning la kes sarara ting na hanhanua masik, sur ir ben taum pas la sur lar takai ka.

Jon 11:52 ပူးပေါင်းရင်းမြစ်များ

Luk 15:8

“Ning ta hane anuna ir takai a bonot a mani, pa i arongon takai. Mangmangasa, bel ir asot pas a lam, pa ir surupu a rumai, pa ir tai wakak suri, tuk ning ir pasteteki?

Luk 2:32

A talapor ning ir atalapor anuma ngas tetek la ning bel a tarai Israel, a talapor sur a matatar tetek anuma tarai Israel.”

Jon 1:12

Ika, la rop ning la maling pasi, pa la tortorot ana risana, i malmaling pas la, sur la na natnat e God.

Jon 1:29

Ning a pukakiar lamur, e Jon i oroi pas e Iesu i han amon teteki, pa i atongi mange, “Mulo oroi i, a Nat a Sipsip ane God, ning ir kepsen a laulau a ginina rakrakan hanua.

Jon 10:16

Anuk dingla na sipsip otleng, bel la kes ting na woroh na sipsip ne. Ar ben pas la otleng, pa lar longor a elngek, sur la rop lar kes ka ana takai a woroh, pa takai sot ka ir tena tai alar anunla.

Jon 12:32

Ika iau, ning dir rakan kas iau usaot mite lapiu, ar dat a taraila rop tetek iau.”

Aposel 18:10

anasa a kes taum hom, pa bel tik ir alaulau u, anasa anuka galis a tarai kane ana hanua ne.”

A Pas ane Pol tetek a tarai Rom 3:29

Mangasa, e God a God anuna tarai Juda ka, o a God anuna tarai masik otleng? Momol, i a God anuna tarai masik otleng.

A Pas ane Pol tetek a tarai Rom 4:17

Larning di ka tumus tari ting na Buk Tabu mange, “A akes tar u sur u a taman a tarai miting na galis a matanitu.” Stat 17:5 Ana matana e God, e Abaram a tamandala, anasa i tortorot o e God, esaning i sira akamtur a tarai kusun a minat, pa i sira warwara ka, pa a ututnala ning belot la hanot, la hanot ka.

Epeses 1:5

Ana nuna marmaris, nating ot ka aslang dala sur ir ras pas dala sur dala natnatnala, ning dala kes o e Iesu Karisito. Ana nuknukna ot pa ana nuna gasgas i toli larne.

Epeses 3:11

Tagun nating ot e God i tasmani ting na nuknukna mang ir toli larne. Pa onone, ka tolsot pasi o e Karisito Iesu anundala Leklek.

Jems 1:1

Iau e Jems, a tena titol oros ane God pa a Leklek e Iesu Karisito, a tumus a pas ne tetek mulo, ning a bonot pa naur a mangis a tarai Israel, ning mulo kes sarara arpotor tana tarai miting na matanitula. A marmaris tetek mulo.

1 Pita 1:1

Iau e Pita, a aposel ane Iesu Karisito, a tumtumus tetek mulo ning e God ka aslang pas mulo sur mulo anunai, pa mulo kes sarara arlar ana wasirala tumo na paparla Pontas, Galesia, Kapadosia, Esia pa e Bitinia.

1 Jon 2:2

I ot i mat sur ir lou langolango pas dala kusun anundala na toltol laulaula, pa ir arop sen a balakut ane God, ning nating kaning on dala. Pa bel i mat sur anundala na toltol laulaula ka, a toltol laulaula anuna taraila rop te na rakrakan hanua.

1 Jon 3:1

Oroi! E Tamandala i asangan anuna tnan marmaris tetek dala, ning i atong dala mang dala na natnatnala. I momol ot, dala na natnat e God. A tarai mite na rakrakan hanua bel la tasmani mang dala na natnat e God, anasa bel la tasman e God.

1 Jon 3:10

Dala oroi lalan na natnat e God pa na natnat e Satan otleng mange: Esining bel i tol a tostos a toltol, i bel a nat e God, mang otleng larning tetek esining bel i mang sur e tasnalik.

1 Jon 3:2

Na halalik, onone dala na natnat e God, pa belot di atalapor dala mang lamur dalar mangmangasa. Ika dala tasmani mang, lamur ning e Iesu ir hanot, dalar arlar onoi, anasa dalar bot oroi momoli.

Tatatai 5:9

Pa la saken a tona saksak larne, “U ot u tostos sur ur kibas pas a buk pa ur pilik sen na bulit kusuni, anasa di um kol u, pa u lou lingir pas a tarai tetek e God ana sulukim, a tarai tagun a mangis a tarai rop, a tarai tagun na urmatana ngas a warwara rop, a tarai mite na hananuala rop pa a tarai tagun a matanitula rop.