Jon 10:16 - Label

¹⁶ Anuk dingla na sipsip otleng, bel la kes ting na woroh na sipsip ne. Ar ben pas la otleng, pa lar longor a elngek, sur la rop lar kes ka ana takai a woroh, pa takai sot ka ir tena tai alar anunla.

Jon 10:16 ပူးပေါင်းရင်းမြစ်များ

Matiu 17:5

Ning kaning ot i warwara, a laukap ning i talapor kol i poroi alar pas la. Pa a elngen takai misaot na laukap, i atongi mang, “Ine a Natuklik, a katnan koli, a gas kol onoi. Mulor longor tana.”

Luk 15:8

“Ning ta hane anuna ir takai a bonot a mani, pa i arongon takai. Mangmangasa, bel ir asot pas a lam, pa ir surupu a rumai, pa ir tai wakak suri, tuk ning ir pasteteki?

Jon 10:11

“Iau a wakak a tena tai alar anuna sipsipla. A saran tar anuka lalaun sur ar mat sur la.

Jon 10:2

Ika a barsan ning i kas tostos ana taman, i ning a tena tai alar momol anuna sipsip.

Jon 10:27

Anuk a sipsipla la longor a elngek, pa tasman la, pa la sira mur iau.

Jon 10:3

A tena tai alar tagun a taman ir sapang pasi sur ir kas. A sipsipla la longor lalan a elngena. I kabah la ana risanla, pa i ben purum la.

Jon 10:4

Ning ka ben purum rop pas anuna sipsipla, i nigon la pa la muri, anasa la longor lalan a elngena.

Jon 10:5

Bel lar mur ta wasira, lar liu kusuni ka, anasa bel la longor lalan a elngena.”

Jon 11:52

Pa bel sur la ka, sur a taraila rop otleng ane God ning la kes sarara ting na hanhanua masik, sur ir ben taum pas la sur lar takai ka.

Jon 17:20

“Bel a nunung ka sur la. A nunung otleng sur la ning lamur lar tortorot hok, anasa ana warwara talapor anuna tena tortorotla.

Jon 6:37

La rop ning e Tata i saran tar la tak, lar han tetek iau, pa esining ir han tetek iau, bel ar kepseni, belal.

Aposel 15:14

E Saimon i atai dala ana ningnigo na pukakiar mang e God i maris la ning bel a tarai Juda pa i ben pas dingla na tarai tagun la sur la anunai ot.

Aposel 18:10

anasa a kes taum hom, pa bel tik ir alaulau u, anasa anuka galis a tarai kane ana hanua ne.”

Aposel 22:14

Pa e Ananias i atai iau mange, ‘E God anuna tumtubundala nating ka aslang tar u, sur ur tasman anuna nemnem, pa ur oroi a Tena Tostos, pa ur longor anuna warwara miting na pahana.

A Pas ane Pol tetek a tarai Rom 11:25

Na tastasikla, a mang sur mulor tastasim ana utna ning nating i mumun, sur gong mulo aitna pas mulo. I manglarne: Dingla na tarai Israel, ir rakrakai a balanla, tuk ning a wawas ana tarai masik ning la tortorot, ir arlar ana nuknuk e God.

2 Tesalonika 2:13

Na tastasimitol, mulo ning a Leklek i maris mulo, i wakak ning mitol sira atong wakak tetek e God o mulo, anasa e God ka aslang pas mulo miting na kamkamna sur ir alaun mulo. I alaun pas mulo ning a Talngan Tabu i atotoh pas mulo pa mulo tortorot ana momolna.

Hibru 13:20

A nunung e God ning i sira saran a molmol. Esaning i akamtur ulak pas anundala Leklek e Iesu kusun a minat. E Iesu, i a tnan tena tai alar a sipsip ning i mat pa i saran tar a sulukna ot sur ir tol a kunubus ning ir kes tikin.

1 Pita 2:10

Nating bel mulo na tarai ane God, ika onone mulo anuna tarai. Nating bel mulo kibas a marmaris ane God, ika onone mulo ka kibasi.

1 Pita 2:25

Anasa nating mulo han rongo arlar ana sipsipla, ika onone mulo ka han ulak tetek anumulo Tena tai alar anuna sipsipla, pa Tena tai alar ana ingumulo.

1 Pita 5:4

Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rop.

Tatatai 3:20

Oroi, a tur ting na taman pa a pinpidir. Ning tik ir longor a elngek pa ir sapang a taman, ar kas teteki, pa ar hangan taum onoi, pa i, ir hangan taum hok.