Hibru 9:14 - Label

¹⁴ Ning i momol mang di atotoh a taraila manglarning, i momol kol ning a suluk e Karisito i atotoh dala! Ana rakrakai a Talngan Tabu ning i kes tikin, Karisito i saran tar anuna lalaun tetek e God. Anuna lalaun bel ta dur onoi. A sulukna i atotoh anundala lalaun kusun a minat a titolla ning dalar hirua ono, sur dalar titol tetek e God ning a lalauna.

Hibru 9:14 ပူးပေါင်းရင်းမြစ်များ

Matiu 12:28

Ika, ning a kepsen a motla ana rakrakai a Inguna e God, mulor tasmani mang a matanitu ane God ka hanot tetek mulo.

Matiu 16:16

Pa e Saimon Pita i kelesi mang, “U a Karisito, a Nat e God ning i laun.”

Matiu 20:28

Larka otleng ning a Nat a Barsan bel i hanot sur dir titol teteki. I hanot sur i ot ir titol tetek a tarai, pa ir saran tar anuna lalaun, a arlou, sur ir lou langolango pas a galis a tarai.”

Matiu 7:11

Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.

Luk 1:74

mang ir alaun dala kusun a kuna nundala hiruala, sur dalar titol teteki pa bel dalar matmataut.

Luk 12:24

Mulor oroi a kotkotla. Bel la oman tar ta utna, pa bel la sol tar al utna, belal rumai a gongon anunlai, ika e God i tabar la. Pa mulo, mulo itna kol tana manila.

Luk 12:28

E God i amermer a ulai sakas na bual ana wakak a purpurinla, ning anone i tapalas, pa latu dir tun seni ting na iah. Ning i toli larning ana ulai, i momol kol mang ir amermer mulo otleng. Anumulo a tortorot i natarna kol.

Luk 4:18

“A inguna Leklek i kes hok, anasa ka aslang pas iau sur ar warawai ana wakak a warwara tana kapan a tarai. I sune iau sur ar warawai mange, dir paksen la ning di dot akes tar la, dir apalpalas ulak la ning a matanla i kut, pa dir alangolango la ning la kilang a mamahatla ning di tol tari onla,

Jon 3:34

Esaning e God i sune i, i warwara ana warwara ane God, anasa e God i saran arop tar a Talngan Tabu teteki.

Aposel 10:38

Mulo tasmani mang e God ka saran tar a Talngan Tabu taum ana rakrakai tetek e Iesu, a te Nasaret. Ning i han taltal, i tol a wakak a titolla, pa i alangolango pas la, ning la kes nahai a warkurai ane Satan. E Iesu i tol a ututnala ne, anasa e God i kes taum onoi.

Aposel 14:15

“Mulo a taraila, asa kamkamna ning mulo tol a ututnala ne? Mia naur a barsan ka, mia arlar ka o mulo! Mia hanot ka ana Wakak a Warwara tetek mulo, pa mia atai mulo sur mulor talingir kusun a ututna oros ka, ning mulo lotlotu tetek la, sur mulor mur e God ning i laun. Esaning i tol a langit, a rakrakan hanua, pa tasi, pa a ututnala rop tingui onla.

Aposel 15:9

Bel i purpurngis ondala, anasa i atotoh la otleng ning la tortorot.

A Pas ane Pol tetek a tarai Rom 1:20

Turpasi ana akakes ana rakrakan hanua, a tarai la oroi a ututna na akakes. I maining la tolsot pasi sur lar tasman na ginina e God, na ginina ning bel dir oroi. La tasmani mang a rakrakai e God ir kes tikin, pa i e God. I maining bel la tolsot sur lar atongi mang bel la tasman e God.

A Pas ane Pol tetek a tarai Rom 1:4

Pa ana nuna kamkamtur ulak kusun a minat, a Talngan Tabu i asangani mang i a Nat e God pa i rakrakai kol. I ot e Iesu Karisito anundala a Leklek.

A Pas ane Pol tetek a tarai Rom 11:12

Ning a tarai Israel la gilam ris kusun a ngas ning e God ir alaun la onoi, e God i atong angisngis a tarai rop te na rakrakan hanua. Ning i kepsen anuna angisngis kusun a tarai Israel, i saran tari tetek a tarai masik. Ika ning a tarai Israel lar ulak tetek e God, a tarai te na rakrakan hanua lar angis kol.

A Pas ane Pol tetek a tarai Rom 11:24

E God i umsem pas mulo miting na lomlom a rakai a oliw, pa i apatap tar mulo ting na rakai a oliw momol. Manglarning, bel i ngangeten sur ir apatap ulak na rakrakana rakai a oliw momol ting na rakaina.

A Pas ane Pol tetek a tarai Rom 6:13

Gong ulak ma mulo saran tar ta diah palaomulo sur ir arlar ana utna a titol sur a toltol laulau. Mulo ka laun ulak kusun a minat, i maining, mulor saran tar mulo tetek e God. Pa mulor saran tar otleng a didiah palaomulo rop tetek e God, sur ir arlar ana ututnala na titol sur a tostos a titol.

A Pas ane Pol tetek a tarai Rom 6:22

Ika onone di ka alangolango pas mulo kusun a toltol laulau, pa mulo na tena titol oros tetek e God. Pa mulor kibas a totoh a lalaun, ning ir suah otnan a lalaun tikin.

1 Korin 15:45

I maining di ka tumus tari ting na Buk Tabu larne, “A ningnigo na barsan, e Adam, e God i saran tar a lalaun teteki.” Stat 2:7 Ika a ararop a Adam, i a Ingun ning i tabar a tarai ana lalaun.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

2 Korin 6:16

A asasongo na godla pa rumai a artabar ane God diar malmaling taum mangasa? Anasa dala ot a rumai a artabar ane God ning i laun. Larning e God ka atong tari mange, “Ar kes taum onla, pa ar han arpotor tanla. Pa iau anunla a God, pa la anuka taraila.” Liwai 26:12

Galesia 2:19

“Ning a mang sur ar mur a Warkuraila, a Warkuraila ot i suah tar iau ana minat. Pa ia ka mat kusun la, sur ar laun sur e God.

Epeses 2:5

Ning dala mat ana nundala na toltol laulaula, i alaun pas dala taum o e Karisito. E God ka alaun pas mulo, anasa ana nuna marmaris.

Epeses 5:2

Mulor laun ana marmaris, arlar larning e Karisito i maris dala, pa i saran tar anuna lalaun sur dala, arlar ana artabar ning i toboh wakak tetek e God.

1 Tesalonika 1:9

Anasa la ot la warwara talapor ana numulo a wakak a toltol ning mulo gas pas mitol. Pa la atatai otleng o mulo, ning mulo ka talingir tar tetek e God, pa bel mulo lotu ma tetek a asasongo na godla. Mulo titol ma tetek e God, esaning a momolna pa a lalauna.

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

1 Timoti 3:15

Pa ning bel ar hanot kapit, u ka tasman a toltol ning a tarai ane God lar toli na arpotor tanla. A tarai a lotu ane God ning i laun, la arlar ana pos pa a kama rumai ning la arakrakai a momolna.

Taitus 2:14

I saran tar anuna lalaun sur dala, sur ir lou alangolango dala kusun anundala na toltol laulaula rop, pa ir atotoh pas dala, sur dala anuna tarai momol ot, dala a tarai ning dala mang kol sur dalar tol asaning i wakak.

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

Hibru 10:10

E Iesu Karisito i mur sot pas a nuknuk e God ning i saran tar a palaona ot sur a artabar tetek e God. I saran muntakai tari ka. Pa nuna artabar ning i atotoh pas dala namatana e God.

Hibru 10:12

Ika e Karisito i saran tar i ot, a artabar tetek e God sur a toltol laulaula anuna taraila. I tol muntakai tari ka. Anuna titol ning ir kes tikin, pa bel ir tol ulaki. Pa ning ka tol tari, i kes ting na ris a sot a kuna e God.

Hibru 10:2

Ngandek ning ir atostos la, bel lar artabar ulak. Anasa a artabarla ning, ir gos totoh a tena lotula, pa a nuknukinla bel ir arup ulak la ana nunla na toltol laulau.

Hibru 10:22

Manglarning, dalar han milau tetek e God ana momolna ting na balandala pa a rakrakai a tortorot, pa a nuknukindala ning i langolango kusun a artitiu ana toltol laulaula, anasa e Iesu ka lamir totoh tari ana sulukna. Dalar han milau teteki ana palaondala ning ka gos tari ana totoh a malum.

Hibru 11:21

Ana tortorot, e Jekop, ning milau ir mat, i atong angis tar naur a nat e Josep. I sukul hat pasi ana nuna bulse pa i lotu tetek e God.

Hibru 13:12

Mang otleng larning e Iesu i kilang kankan pa i mat tumo lapiu na woroh na tnan hanua, sur ir atotoh a tarai ana sulukna ot.

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

Hibru 6:1

I maining dalar han usa lanigo sur dingla na asasaer kale ning ir arakrakai dala ana nundala tortorot. Gong dala asasaer ulak ana ningnigo na asasaerla o e Karisito ning dala ka asasaer pas ono. A ningnigo na asasaerla larne: dalar lingir a nuknukindala kusun a toltolla ning ir ben dala sur a minat, a tortorot o e God,

Hibru 7:16

I kibas a titol na tena artabar tetek e God, ika bel i kamkamna ning i miting na mangis a tarai ane Liwai arlar ana warwara na Warkurai. I kibas a titol anasa ana rakrakai a lalaun ning bel ir tolsot sur ir rop.

Hibru 7:27

Bel i arlar ana ningnigo na tena artabarla, ning la sira tun artabar ana pukakiarla rop, sur anunla na toltol laulaula nigo, pa lamur anuna tarai otleng. E Iesu bel i toli larning. I saran tar ka takai a artabar ana toltol laulau anuna tarai. I artabar ot ono. I tol muntakai tari ka, pa bel ir tol ulaki, anasa a artabar ning ir kes tikin.

Hibru 9:12

E Iesu i kas ana pukna ning i Tabu Kol. I tol muntakai tari ka. Bel i kas taum ana suluk na me pa nanatar a bulumakaula sur ir artabar onoi. I kas ana sulukna ot, pa i lou alangolango pas dala. Pa nuna titol a arlou ning ir kes tikin.

Hibru 9:26

Ngandek ning ir manglarning, e Karisito kar hirua a galis a taem, turpasi ot ana kamkama a rakrakan hanua. Ika ana ararop a pukakiarla i hanot muntakai tar ka. I saran tar i ot sur a artabar tetek e God sur ir kamar sen a toltol laulaula.

Hibru 9:7

Ika a ningnigo na tena artabar tetek e God, i sot ka, i sira kas muntakai tar ka ana taktakai a rau, uting na naur a tuka rumai ning kaning ui. Bel ir kas oros ka, ir kibas pas ot a suluk, sur ir artabar onoi tetek e God, sur e God ir kepsen anuna na toltol laulaula, pa toltol laulaula otleng anuna tarai ning la tol tari pa bel la tasmani.

Hibru 9:9

Ine a manar sur a raula ne. A kamkamna mang a artabarla ning bel di tuni pa a artabarla otleng ning di tuni, ning di tabar e God onoi, bel ir atotoh sot pas a nunukin a tena lotu ning i artabar onoi.

1 Pita 1:19

I lou langolango pas mulo ana wakak a sulukna e Karisito, esaning i arlar ana nat a sipsip ning i totoh pa bel ta tinsaman kaning onoi.

1 Pita 2:22

“Bel i tol tar ta toltol laulau, pa bel i atong tar ta asasongo na warwara.” Ais 53:9

1 Pita 2:24

E Karisito ot i kibas pas anundala na toltol laulau ana palaona ning i mat saot na rakai kutus, sur dalar mat kusun a toltol laulau, pa dalar laun sur a tostos a toltol. Pa ana hirua ting na palaona, i alangolango pas mulo.

1 Pita 3:18

Anasa e Karisito i mat muntakai pas ka, sur anundala na toltol laulau. A Tena Tostos i mat sur la ning bel la tostos, sur ir ben pas mulo tetek e God. La um kol a palaona, ika di alaun pasi ana inguna.

1 Pita 4:2

Pa onone, bel i saran tar anuna lalaun sur a laulau a nuknukla mite lapiu. I saran tari ka sur ir mur a nuknuk e God.

1 Jon 1:7

Ning dala laun ana talapor, arlar o e God i kes ana talapor, dalar bal artalai dala, pa suluk e Iesu, e Natnalik, ir atotoh dala kusun a toltol laulaula rop.

1 Jon 3:5

Pa mulo tasmani mang e Karisito i hanot sur ir kepsen anundala na toltol laulau, pa i ot bel anuna ta toltol laulau.

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,