Hibru 7:18 - Label

¹⁸ Manglarning, i talapor mang di ka kepsen a ningnigo na warkurai ning i warwara ana tena artabarla, anasa a warkurai ning bel ta rakrakaina pa bel ta utna i to pasi.

Hibru 7:18 ပူးပေါင်းရင်းမြစ်များ

Aposel 13:39

A Warkuraila ane Moses bel i tolsot pasi sur ir kepsen a laulau a ginimulo, sur dir atong mulo mang a tena tostosla. Ika, la rop ning la tortorot o e Iesu, dir atong la mang a tena tostosla.

A Pas ane Pol tetek a tarai Rom 3:31

Mangasa, ning dala tortorot dala nuki mang a Warkuraila i utna oros ka? Bel momol! Ana tortorot dala asangani mang a Warkuraila a rakrakainla ot.

A Pas ane Pol tetek a tarai Rom 8:3

A Warkuraila ane Moses bel i tolsot pasi sur ir sairas a laulauna, anasa bel ta rakrakaindala sur dalar mur a Warkuraila, ning dala laun ana turai a lalaun. Ika e God i tolsot pasi. I sune tar e Natnalik ute lapiu pa i hanot a mainla arlar ondala, a tarai na tol a toltol laulau. I ka mat pa ka alaun pas dala kusun anundala na toltol laulau. A warkurai na arkeles ana toltol laulau anundala, e God i suah tari ana palaona e Iesu, pa i arop a rakrakai ana toltol laulau.

Galesia 3:15

Na tastasikla, ar atong a warwara larlar ta mulo. Mulor nuk pasi, ning ir naur a barsan dia lele tar pa dia ka tol tar ta malmaling taum, bel tik ulak ir lingir lar pasi.

Galesia 3:17

Ine a kamkamna: A Warkuraila ning la hanot diat a mar pa natol a bonot a rau lamur, bel la lingir lar pas a malmaling taum ane God tetek e Abaram, ning e God i lele nigo tar teteki.

Galesia 3:21

I mangasa, a Warkuraila pa a lelela ane God dia hirua artalai? Bel momol! Ngandek ning a Warkuraila lar saran a lalaun tana taraila, lar tostos namatana e God anasa la mur a Warkuraila.

Galesia 4:21

Ning mulo mang sur mulor mur a Warkuraila, mulor keles iau: Mulo tasman ot a kamkama Warkuraila?

Galesia 4:9

Ika onone mulo ka tasman a momol a God. Momol, e God i tasman mulo. Pa sur asa ning mulo ulak sur a ingun laulau orosla mite na rakrakan hanua ning bel al rakrakainla pa bel la to pas ta utna? Mangasa, mulo mang sur mulor na tena titol oros ulak anunla?

1 Timoti 4:8

Ning dala alasan a palaondala ana ngas a urmatana mon, i nangan a palaondala, ika ning dala alasan dala sur dalar gomo ana toltol ning e God i mang suri, i wakak kol tana ututnala rop. I nangan a lalaun ne pa a lalaun lamur otleng.

Hibru 13:9

Gong mulo mur a urmatana ngas a asasaerla ning ir ben rongon mulo. I wakak ning a marmaris ane God ir arakrakai a ingundala. Ning dala mur a warkuraila ana utna na hangan bel ir arakrakai a ingundala, pa bel ir nangan la ning la muri.

Hibru 7:19

Anasa a warkurai ning bel i atostos pas a tarai sur lar han milau tetek e God. Ika e God ka tol tar a ngas sur dalar han milau teteki. A ngas ning i wakak kol tana Warkuraila. Pa onone dala tolsot sur dalar harnanai ana tortorot suri.