Hibru 6:11 - Label

¹¹ Mila mang kol sur mulo rop taktakai mulor rakrakai ana marmaris mang ot larning mulo sira toli, tuk ana araropna. Mulor toli larning sur a ututnala ning mulo harnanai ana tortorot suri, ir hanot momol ot tetek mulo.

Hibru 6:11 ပူးပေါင်းရင်းမြစ်များ

Matiu 24:13

Ika esining ir tur rakrakai tuk ana araropna, e God ir alauni.

Luk 1:1

Tetek e Tiopilus, A galis la tohoi pa la ka tolsot pas a tumtumus ana ututnala ning i hanot arpotor i mila.

A Pas ane Pol tetek a tarai Rom 12:8

Ning tik, e God i saran tar a artabar teteki sur ir arakrakai a tortorot anuna tarai, i wakak sur ir toli larning. Ning tik, e God i saran tar a artabar na titol na artabar teteki, i wakak ning ir palas a kuna tetek a tarai. Ning tik, e God i saran tar a artabar na titol na ningnigo teteki, i wakak sur ir titol rakrakai sur ir nigon wakak a taraila. Ning tik, e God i saran tar a artabar na titol na marmaris teteki, i wakak ning ir maris a tarai ana gasgas.

A Pas ane Pol tetek a tarai Rom 15:13

Pa nunung tetek e God, esaning dala harnanai suri ana tortorot sur a wakakna ning ir toli. A nunung sur ir abukus mulo ana tnan gasgas pa a bal molmol, ning mulo tortorot onoi. Pa ana rakrakai ana Talngan Tabu ot, mulor harnanai ana tnan tortorot sur a wakakna ning e God ir toli lamur.

1 Korin 13:13

Natol a utna ne ditol kes tikin: a tortorot, a keskes harnanai ana tortorot sur asaning e God ir toli, pa a marmaris. Ika a marmaris i itna kol tan ditol rop.

1 Korin 15:58

I maining na tastasik, mulor tur rakrakai, pa gong i gulgule anumulo a tortorot ana kamkamtur ulak kusun a minat. Mulor saran rop tar anumulo a lalaun sur a titol anuna Leklek, anasa mulo tasmani mang a titolla rop mulo toli ana rakrakai ana Leklek belsur a utna oros ka.

Galesia 5:5

Ika dala, ana rakrakai ana Talngan Tabu dala harnanai ana tortorot sur e God ir atong dala mang dala tostos.

Galesia 6:9

Gong dala ngoro ana wakak a titolla ning dala toli, pa gong dala manah kusuni. Ning a pukakiar i sot, dalar tong akes pas a wana nundala a titol.

Pilipai 3:15

Dala ning dala tur rakrakai, i wakak sur a nuknukindala ir larning. Ika ning a nuknukimulo ir han masik on ta utna, e God ot ir atalapori tetek mulo.

Kolosi 1:23

E God ir tol a utna ne ning mulor rakrakai ana tortorot, pa mulor tur rakrakai onoi. Pa gong mulo han masik kusun a keskes na harnanai ana tortorot sur a ututnala ning e God ir toli, ning mulo ka longor tari ana Wakak a Warwara. A Wakak a Warwara ning, di ka atatai tar onoi tetek a taraila rop te na rakrakan hanua. Iau e Pol, a hanot a tena titol ana Wakak a Warwara ning.

Kolosi 1:5

Anumulo tortorot pa marmaris ne i kamkamna ana numulo a keskes harnanai ana tortorot sur a utna ning e God i tai alari sur mulo saot na langit. A utna ning, mulo ka longor tar a warwara onoi, ting na momol a warwara, i a Wakak a Warwara

Kolosi 2:2

A toli larning sur ir arakrakai anunla lalaun, pa lar kes na marmaris taum, sur lar bukus ana tnan tastasman rop, sur lar tasman a utna ane God, ning nating i kes mumun, esaning e Karisito ot.

1 Tesalonika 1:5

anasa a Wakak a Warwara ning mitol apuasa i tetek mulo, bel i hanot ana warwara ka, i hanot taum ana rakrakai pa taum ana Talngan Tabu, pa mulo longor lalani pa mulo tong akesi ana balamulo. Mulo tasman wakak anumitol a toltol, ning mitol laun potor napirim mulo sur mulor wakak onoi.

1 Tesalonika 4:10

A momolna ot, mulo mang sur na tastasimulo rop ting na papar Makedonia rop. Ika, mitol nunung mulo sur anumulo a marmaris ir itna pa ir gomo rakrakai.

2 Tesalonika 3:13

Pa tetek mulo na tastasimitol, mulor rakrakai sur mulor tol a tostos a toltol, pa gong a palaomulo i ngol onoi.

Hibru 10:22

Manglarning, dalar han milau tetek e God ana momolna ting na balandala pa a rakrakai a tortorot, pa a nuknukindala ning i langolango kusun a artitiu ana toltol laulaula, anasa e Iesu ka lamir totoh tari ana sulukna. Dalar han milau teteki ana palaondala ning ka gos tari ana totoh a malum.

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

2 Pita 1:10

I maining na tastasik, mulor rakrakai sur mulor asangani ting na numulo a lalaun mang e God ka kabah pas mulo pa ka aslang pas mulo. Ning mulor toli larning, bel mulor punga,

2 Pita 3:14

Na halalik, ning mulo keskes harnanai sur a pukakiar ning, mulor rakrakai sur a magiramulo bel ta dur ono, pa bel dir arup sot pas mulo on ta rongo, pa mulor kes na molmol taum o e God.

1 Jon 3:14

Dala tasmani mang dala ka han kusun a minat sur a lalaun, anasa dala mang sur na tastasindala. Esining belal marmaris kaning ot i kes ana minat.

1 Jon 3:19

Ning dala maris tik larning, dala tasmani mang dala anuna momolna, pa bel dalar matmataut ning dala kaning ui o e God.

Tatatai 2:26

Esining i tolsot pas a harum, pa i tolsot pas a nuknukik tuk ana araropna, ar saran tar a warkurai tana larot a warkurai ning e Tata i saran tari tak, suir warkurai a tarai miting na matanitu rop. ‘Ir warkurai rakrakai la ana bulse na aen, pa ir miren la arlar ning di pagal gingini a kuro ning di toli ona piopap.’ Buk Song 2:9