Hibru 6:10 - Label

¹⁰ E God bel i sira tol ta utna ning bel i tostos. Bel ir duman sen pas anumulo a titol pa anumulo na marmaris ning mulo toli teteki, ning mulo ka nangan tar anuna tarai, pa kaning ot mulo toli.

Hibru 6:10 ပူးပေါင်းရင်းမြစ်များ

Matiu 10:42

Esining ir tabar anuk ta kaklik a asaer, ning bel i sot na matan a tarai, ana ta kap a kotkoto na malum, anasa anuka kaklik a asaer, a atong momoli ta mulo, ir kibas ot anuna arlou.”

Matiu 20:7

La kelesi mang, ‘Bel tik i ben mila sur ta titol.’ I atai la mang, ‘Mulo otleng mulor han pa mulor titol ting na nuk a barim a wain.’

Matiu 25:17

Larka otleng tetek esaning di saran tar naur a rip tana, i agomo ulak pas naur a rip a mani taguni.

A Wakak a Warwara o e Iesu Karisito i tumusi 9:41

A atong momoli ta mulo, ning tik ir tabar mulo ana ta kap a malum, anasa mulo ane Karisito, ir kibas ot anuna arlou.

Jon 13:20

A atong momoli ta mulo, ning tik ir malmaling pas esining a sune i, i malmaling pas iau. Ning tik ir malmaling pas iau, i malmaling pas esining i sune iau ute.”

Aposel 10:31

pa i mang, ‘Konilius, e God ka longor anum na nunung, pa ka tasman anum na artabarla tetek a kapan a taraila.

Aposel 10:4

Pa e Konilius i ngoson rakrakai i ana matmataut, pa i dekeni mang, “Leklek, asaning?” Pa a angelo i kelesi mange, “Anum a nunungla taum ana artabarla tetek a kapan a tarai la han usaot tetek e God, pa la tur namatana, pa i gas ana sa ning u toli.

Aposel 11:29

Pa a tarai a asasaer la warkurai pas mang la rop taktakai lar artabar arlar ana nunla na gongonla tetek a tarai a lotula ning la kes ana papar Judia.

A Pas ane Pol tetek a tarai Rom 12:13

Ning a tarai ane God la kapan sur ta utna, mulor nangan la. Mulor gas pas na wasira ting na numulo na rumai.

2 Korin 9:1

Bel ma ar tumtumus ulak tetek mulo ana titol a harnangai tetek a tarai ane God saot e Jerusalem.

Galesia 5:13

Na tastasikla, e God ka kabah pas mulo sur mulor langolango momol. Ika gong mulo nuki mang mulo ka langolango sur mulor mur a lalaun turai. Mulor nangan artalai mulo ana marmaris.

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Galesia 6:10

Ning dala tolsot pasi sur dalar tol a wakak a titol tetek tik, i wakak sur dalar toli. Dalar tol a wakak a titol nigo tetek a tena tortorotla, pa lamur tetek a tarai masik otleng.

Kolosi 3:17

Ana ututnala rop ning mulo toli pa mulo atongi, mulor toli ot ana risan a Leklek e Iesu, pa mulor atong wakak tetek e God a Tamandala, anasa ana titol ning e Karisito i toli o mulo.

1 Tesalonika 1:3

Ning mitol nunung tetek anundala God a Tamandala, mitol nuk pas a ututnala ning mulo sira toli kamkamna ana numulo a tortorot, pa mitol nuk pas a titol ning mulo toli kamkamna ana numulo a marmaris, pa mitol nuk pas otleng anumulo na tuntunur rakrakai kamkamna ana numulo a keskes harnanai ana tortorot ana Leklek e Iesu Karisito.

1 Timoti 6:18

Ur atai la sur lar tol a wakakna, pa lar bukus ana wakak a titol. Lar arartabar pa lar asalar al utna otleng tetek al tarai.

2 Timoti 4:8

A nanan a harlou ning e God ka suah tari sur iau, anasa a tostos namatana. A Leklek, a tostos na Tena warkurai ir sarani tak ana pukakiar na warkurai. Pa bel tetek iau ka, ir saran a harlou ning tetek la rop ning la mang kol sur ir ulak.

Hibru 10:32

Mulor nuk pas a pukakiarla nating ning mulo ka kibas pas a talapor ana numulo na lalaun, pa la saran a tnan mamahat pa a kankan tetek mulo, ika mulo tur rakrakai ot.

Hibru 13:16

Gong mulo dumdumai sur mulor tol a wakak a titol pa mulor tabar a tarai. Ning mulo toli larning, i arlar ana artabar tetek e God ning i gas ono.

1 Jon 1:9

Ning dala atong talapor anundala na toltol laulau, e God i tostos, pa ir tolsot anuna lele pa ir kepsen anundala na toltol laulaula, pa ir atotoh dala kusun a ututnala ning bel i tostos.