Hibru 3:5 - Label

⁵ E Moses, i a tena titol oros ane God, pa i momol ana nuna titol ting na rumai ane God. I warwara talapor nigo tar ana ututnala ning e God ir warwara talapor ono lamur.

Hibru 3:5 ပူးပေါင်းရင်းမြစ်များ

Matiu 24:45

“A tena titol oros ning i momol ana nuna titol pa i tasman otleng, anuna leklek ir akes tari sur ir tena warkurai ting na nuna rumai, pa ir tabar a tena titol orosla otleng, ana anla a utna na hangan ana taem na hangan.

Matiu 25:21

Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’

Luk 12:42

A Leklek i kelesi mange, “Esi na tena titol ning i momol ana nuna titol pa i tastasman otleng? A tena titol ning, anuna leklek ir akes tari sur ir ningnigo ting na nuna rumai, sur ir tamtabar a tena titolla ana utna na hangan anlai ana taem a hangan.

Luk 24:27

Turpasi ana bukla ane Moses pa a propetla, e Iesu i papak tetek diau ana ututnala rop di ka tumus tari onoi ot ting na Buk Tabu.

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Jon 5:39

Mulo sira was wakak a Buk Tabu, anasa mulo nuki mang mulor kibas a lalaun tikin ono. Ika a Buk Tabu otleng i warwara talapor ka hok!

Aposel 28:23

La kubus pas ning a pukakiar sur lar warwara taum o e Pol. A kumun a tarai kol la hanot teteki ting na rumai ning i kes ono. Turpasi ana kobot tuk ana rah, i papak tetek la ana matanitu ane God, pa i atai talapor la o e Iesu, tagun a Warkuraila ane Moses pa a buk anuna propetla sur lar tortorot.

Aposel 7:37

E Moses ot ning i atai tar a tarai Israella mang, ‘E God ir saran ta propet arlar hok tagun anumulo a mangis a tarai ot.’ Lo 18:15

A Pas ane Pol tetek a tarai Rom 3:21

Ika onone, e God ka tol a ngas sur a tarai lar tostos namatana, ika bel ana mur warkurai. A ngas ne, a Buk a warkurai ane Moses pa a propetla la ka warwara talapor tar onoi.

1 Korin 4:2

La ning di ka saran tar al titol tanla, i wakak sur lar tol sot pasi.

1 Timoti 1:12

A atong wakak tetek e Karisito Iesu anundala Leklek, esaning i tortorot hok pa i saran tar a rakrakai tak, pa i aslang pas iau sur ar titol teteki.

Hibru 1:1

Nating ot e God i warwara ana elgen a propetla tetek na tumtubundala. I warwara larning ana galis a taem ana urmatana ngas.

Hibru 3:2

E God ka aslang tari sur a titol ne, pa i momol onoi, larning e Moses i momol ana nuna titol na arpotor ana tarai ane God.

Hibru 3:4

Na rumai taktakai rop taktakai barsan i toli, ika e God i tol a ututnala rop.

Hibru 8:5

A titol na artabar la sira toli ting na rumai a artabar. A rumai ning i arlar ka ana manar a rumai saot na langit. Ine kamkamna ning e God i atumarang e Moses, ning i sang sur ir tol a rumai a sel ning lar tun artabar ono. I atongi tana mange, “Tumarang tar! Ur tol a ututnala rop, arlar ot ana manar a rumai ning ia ka asangan tari tam saot na mangir.” Kisim Bek 25:40

Hibru 9:24

Anasa e Karisito bel i kas ting na pukna ning i Tabu Kol, ning a tarai la toli. A pukna ning, a manar ka ana momol a pukna ning i Tabu Kol. I kas usaot na langit pa onone i tur salanigo namatana e God sur dala.

Tatatai 15:3

La saken a saksak ane Moses, a tena titol oros ane God, pa saksak ana Nat a Sipsip mang, “Leklek e God u rakrakai kol, anum na titol la itna pa di kulkulan kol on la. U a King ana mangis a tarai rop, anum na toltol la tostos pa la momol.