Hibru 2:9 - Label

⁹ Ika dala oroi e Iesu, esaning e God i atarna tari sur ir natarna tana angelola, siklik pukakiar ka, sur ir kilang a tnan kankan pa ir mat sur a taraila rop. I mat anasa e God i maris la. Ika onone, dala oroi mang e God ka suah tar a matatar pa hanrawai ono arlar ana king ning di suah tar a kukuh ono, anasa ana kankan pa a minat ning i kilangi.

Hibru 2:9 ပူးပေါင်းရင်းမြစ်များ

Matiu 16:28

A atong momoli ta mulo, dingla o mulo ning mulo tur te, belot mulor mat, pa mulor oroi a Nat a Barsan ir hanot taum ana nuna matanitu.”

Matiu 6:28

“Sur asaning mulo nuknuk kol sur a kaenla? Mulor oroi a wakak a purpurla misa na bual, mang la gomo mangmangasa. Bel la sira titol pa bel la sira tol kaen.

A Wakak a Warwara o e Iesu Karisito i tumusi 9:1

Pa i atai la mang, “A atong momoli ta mulo, dingla o mulo ning mulo tur te, belot mulor mat, pa mulor oroi a matanitu ane God ir hanot taum ana rakrakai.”

Luk 9:27

A atong momoli ta mulo, dingla o mulo ning mulo tur te, belot mulor mat, pa mulor oroi a matanitu ane God.”

Jon 1:29

Ning a pukakiar lamur, e Jon i oroi pas e Iesu i han amon teteki, pa i atongi mange, “Mulo oroi i, a Nat a Sipsip ane God, ning ir kepsen a laulau a ginina rakrakan hanua.

Jon 10:17

“E Tata i mang sur iau, anasa iau ot a saran tar anuka lalaun, sur lamur ar los ulak pasi.

Jon 12:32

Ika iau, ning dir rakan kas iau usaot mite lapiu, ar dat a taraila rop tetek iau.”

Jon 3:16

“E God i maris a rakrakan hanua, pa i saran tar e Natnalik takai sot ka, sur esining ir tortorot onoi, ir laun tikin, pa bel ir hirua.

Jon 8:51

A atong momoli ta mulo, esining ir mur anuka warwara, bel ir mat.”

Jon 8:52

Dingla na Juda la atai i mange, “Onone mila tasman momoli mang a mot kaning hom! E Abaram ka mat, pa a propetla otleng la ka mat, ika u atongi mang esining ir mur anuma warwara bel ir mat.

Aposel 2:33

Di aleklek pasi pa di akesi ting na sot a kuna e God, pa e God e Tamana ka saran tar a Talngan Tabu teteki larning i lele tari, pa onone e Iesu ka saran purum tar a utna ne ning mulo oroi pa mulo longori.

Aposel 3:13

E God ot i toli. A God ane Abaram, Aisak pa e Jekop, e God anuna nundala mangis a tarai tagun nating, i aleklek e Iesu anuna tena titol. Mulo saran tari sur dir sai koli, pa mulo puain seni namatana e Pailat, ning i mang sur ir pak seni.

A Pas ane Pol tetek a tarai Rom 5:18

I maining ana takai ka toltol na kutus warkurai ane Adam a tarai rop la ka kes ana warkurai na arkeles ane God. Larotleng ning ana takai ka tostos a toltol ning e Iesu i toli, e God ir atong a taraila rop mang la tostos namatana, pa lar laun.

A Pas ane Pol tetek a tarai Rom 5:8

Ika e God i asangan anuna marmaris tetek dala larne: Ning dala laun ot ana toltol laulau, e Karisito i mat sur dala.

A Pas ane Pol tetek a tarai Rom 8:3

A Warkuraila ane Moses bel i tolsot pasi sur ir sairas a laulauna, anasa bel ta rakrakaindala sur dalar mur a Warkuraila, ning dala laun ana turai a lalaun. Ika e God i tolsot pasi. I sune tar e Natnalik ute lapiu pa i hanot a mainla arlar ondala, a tarai na tol a toltol laulau. I ka mat pa ka alaun pas dala kusun anundala na toltol laulau. A warkurai na arkeles ana toltol laulau anundala, e God i suah tari ana palaona e Iesu, pa i arop a rakrakai ana toltol laulau.

A Pas ane Pol tetek a tarai Rom 8:32

E God bel i maris alar e Natnalik, i saran tari ka sur ir mat sur dala rop. Ning i saran tar e Natnalik sur ir mat sur dala, dala tasmani mang ir saran oros otleng a wakak a utna rop tetek dala.

2 Korin 5:15

I mat sur dala rop, sur dala ning dala laun gong dala laun sur dalar agasgas pas dala ot. Dalar laun sur e Karisito, esaning i mat sur ir alaun pas dala, pa i kamtur ulak kusun a minat.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

Galesia 4:4

Ika, ning a taem ka sot, e God i sune Natnalik ute. A hane i agon pasi, pa i kes nahai a warkurai ana tarai Juda,

1 Timoti 2:6

ning i saran tar anuna lalaun sur ir lou alangolango a taraila rop. Ana taem ning e God ka kubus tari, e Iesu i amomol tar a nuknuk e God mang, i mang sur ir alaun a taraila rop.

Hibru 1:9

U mang kol sur a tostos a toltol, pa u nget a toltol laulau. Ine a kamkamna ning e God, anuma God, i aslang pas u pa i saran tar a gasgas pa a hanrawai tam, ning i itna kol tana gasgas pa a hanrawai ning i sarani tetek na halalim.” Buk Song 45:6-7

Hibru 10:5

I maining, ning e Karisito i hanot ute na rakrakan hanua, i atongi tetek e God mange, “A artabarla ning bel di tuni pa a artabarla ning di tuni, bel u mang suri, ika u ka sang tar a palaok sur ar artabar ono tetek u.

Hibru 11:5

Ana tortorot, e God i kepsen e Enok sur gong i kilang a minat. Bel di oroi ulaki ma, anasa e God ka kibas pasi. Ning e God bel i kibas pasi ot kaba, i gas kol o e Enok.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 2:7

U ka akes tar mila sur a angelola lar leklek tamila, siklik pukakiar ka. U suah tar a matatar pa hanrawai omila arlar ana king ning di suah tar a kukuh ono,

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

Hibru 8:3

A ningnigo na tena artabarla rop tetek e God, e God i suah tar la sur lar saran tar a artabarla pa lar tun a inagoila sur a artabar teteki. Manglarning i tostos sur e Iesu anundala ningnigo na tena artabar otleng ir artabar ot anal utna.

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

1 Jon 2:2

I ot i mat sur ir lou langolango pas dala kusun anundala na toltol laulaula, pa ir arop sen a balakut ane God, ning nating kaning on dala. Pa bel i mat sur anundala na toltol laulaula ka, a toltol laulaula anuna taraila rop te na rakrakan hanua.

Tatatai 19:12

Naur a kalso matana i arlar ana irnga na iah, pa a galis a kukuh a king kanisaot na pukulna. Pa di ka tumus tar a rising ting na palaona, ning bel tik i tasmani, i sot ka i tasmani.

Tatatai 5:9

Pa la saken a tona saksak larne, “U ot u tostos sur ur kibas pas a buk pa ur pilik sen na bulit kusuni, anasa di um kol u, pa u lou lingir pas a tarai tetek e God ana sulukim, a tarai tagun a mangis a tarai rop, a tarai tagun na urmatana ngas a warwara rop, a tarai mite na hananuala rop pa a tarai tagun a matanitula rop.