Hibru 13:2 - Label

² Mulor sira gas pas a wasirala ting na numulo na rumai. Anasa dingla na tarai ning la tol a toltol ning, la ka gas pas a angelola, ika bel la tasmani.

Hibru 13:2 ပူးပေါင်းရင်းမြစ်များ

Matiu 25:35

Anasa a murak pa mulo tabar iau, a mos pa mulo agang iau, a wasira pa mulo ben kas iau uting na rumai.

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Matiu 25:43

A wasira pa bel mulo ben kas iau uting na rumai, bel ta kaen anuki pa bel mulo saran ta kaen tak, a sasam pa a kes ting na rumai a dodot pa bel mulo geren iau.’

Aposel 16:15

Ning di ka baptais tar e Lidia, pa la otleng ning la kes ting na nuna rumai, i ben pas mila, pa i atongi mang, “Ning mulo nuki mang a tortorot ana Leklek, mulor kas ana nuka rumai, pa mulor kes napik.” Pa i arakrakai pas mila tuk mila malmaling.

A Pas ane Pol tetek a tarai Rom 12:13

Ning a tarai ane God la kapan sur ta utna, mulor nangan la. Mulor gas pas na wasira ting na numulo na rumai.

A Pas ane Pol tetek a tarai Rom 16:23

E Gaius i saran anuna marmaris tetek mulo. A barsan ne i gasgas pas iau, taum ana tarai a lotu rop, pa i sapang anuna rumai tetek mila. Pa e Erastus a tena tai alar ana mani mite na hanua ne, pa e Kuatus a tasindala, dia otleng dia saran anundiau a marmaris.

1 Timoti 3:2

Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

1 Timoti 5:10

pa a taraila rop la tasman anuna wakak a titolla, larning i lawat wakak a kakakla, pa i sira gas pas a tarai ting na nuna rumai, pa i gos sen a kubus kusun a hana tarai ane God, pa i nangan a tarai ning a mamahatla i kibas la, pa i saran tar anuna lalaun sur ir tol a urmatana wakak a titol.

Taitus 1:8

Ir sira gas pas a tarai ting na nuna rumai, pa ir mang sur a wakak a toltol, ir warkurai tostos anuna lalaun, ir tena tostos, ir totoh namatana e God, pa ir tai alar a nuknukna.

1 Pita 4:9

Mulor gas artalai pas mulo ting na numulo na rumai, pa gong mulo toli ana ururai.

3 Jon 1:5

Halik, u momol ana titol ning u toli tetek na tastasindala, ning la wasira tetek u.