Hibru 12:3 - Label

³ Mulor nuk pas e Iesu, esaning i kilang a mamahatla, ning a tena laulaula la toli onoi, sur gong mulo ngoro pa gong mulo manah ana tortorot.

Hibru 12:3 ပူးပေါင်းရင်းမြစ်များ

Matiu 11:19

A Nat a Barsan i hanot, i hangan pa i gang, pa la atongi onoi mang, ‘Oroi, a barsan ne a tena hangan pa tena gang, a hal a tena los totokomla pa tena laulaula.’ Ika a titolla ane God i apuasa i mang, anuna tastasmai i a tastasmai momol.”

Matiu 12:24

Ika a Parisaiola la longori pa la atongi mang, “A barsan ne, i sira kepsen a motla ana rakrakai e Belsebul, a leklek anuna motla.”

Matiu 15:2

“I mangasa sur anuma kakak a asaerla bel la sira mur a asasaerla ana nundala a tarai tagun nating? Bel la gos nigon pas a kunla ning la hangan.”

Matiu 21:23

E Iesu i kas tingui na woroh a rumai a artabar, pa i asaer a tarai. A leklek a tena artabarla tetek e God pa a ningnigola anuna tarai la han teteki. Pa la dekeni mang, “Esi na ngas a rakrakai ning u tol a ututnala ne ono? Esi i saran a rakrakai ne tetek u?”

Matiu 21:46

Pa la tai sur ta ngas sur lar tong akesi ono, ika la matatan a kunum a tarai, anasa a tarai la tortorot ono mang i a propet.

Matiu 22:15

Lamur a Parisaiola la han taum tar, pa la warwara taum pas mang lar toh e Iesu sur ta warwara anunai, ning lar tiwi ono.

Luk 14:1

Ana ning a Pukakiar Sabat, e Iesu i kas sur ir hangan ting na rumai ana ning a ningnigo anuna Parisaiola, pa taraila la oroi sursuri sur ta utna ning ir toli.

Luk 15:2

Ika a Parisaiola pa a tena asaerla ana warkurai la warwara kumkumna o e Iesu mang, “A barsan ne i lasan ka taum ana tena tol a toltol laulaula, pa i hangan taum onla.”

Luk 16:14

A Parisaiola la longor a warwarala ne, pa la morot o e Iesu, anasa la mang sur a mani.

Luk 2:34

E Simion i angangis ditol, pa i atai e Maria, tana e Iesu, mang, “A kaklik ne, e God i aslang pasi sur a galis a tarai Israel lar hirua onoi pa a galis otleng lar laun onoi, pa i a akinalang ning a galis a tarai lar bilbilori.

Luk 5:21

A tena asaerla tagun a warkurai pa a Parisaiola, la nuknuk ana nuknukinla mang, “Esi na ngas a barsan ne? Ning i warwara larning, i atong saksakan e God anasa i arlari ono. Esi ir kepsen a toltol laulaula? E God ka.”

Jon 10:20

Galis onla, la atongi mange, “A mot i solongi, pa a nuknukna ka talar. Sur asa ning mulo longor pasi?”

Jon 18:22

Ning e Iesu i atongi larning, takai tagun a tena tai alarla i pasar a patarna, pa i atai i mange, “Sur asa ning u keles a warwara anuna ningnigo na tena artabar larning?”

Jon 5:16

Ono otning, a tarai Juda la turpas a tol a gininla tetek e Iesu, anasa i tol a ututnala ne ana Pukakiar Sabat.

Jon 7:12

A galis a tarai la wasisik o e Iesu. Dingla na tarai la atongi mang, “I a wakak a barsan,” pa dingla otleng la atongi mang, “Belal, i sira asongo a taraila ka.”

Jon 8:13

A Parisaiola la atai i mange, “Anum a warwara talapor hom bel i mamahat, anasa u ot u warwara.”

Jon 8:52

Dingla na Juda la atai i mange, “Onone mila tasman momoli mang a mot kaning hom! E Abaram ka mat, pa a propetla otleng la ka mat, ika u atongi mang esining ir mur anuma warwara bel ir mat.

Jon 8:59

Ning e Iesu i atongi larne, la los pas a hatatla sur lar woloti, ika i mumun pa i han kusun a rumai a artabar.

Jon 9:40

Dingla na Parisaio kaning taum ono, la longor a warwara ne, pa la dekeni mange, “U nuki mang mila otleng mila kut?”

1 Korin 15:58

I maining na tastasik, mulor tur rakrakai, pa gong i gulgule anumulo a tortorot ana kamkamtur ulak kusun a minat. Mulor saran rop tar anumulo a lalaun sur a titol anuna Leklek, anasa mulo tasmani mang a titolla rop mulo toli ana rakrakai ana Leklek belsur a utna oros ka.

2 Korin 4:1

E God i maris mila pa i saran tar a titol ne tetek mila. I maining bel milar manah kusuni.

2 Korin 4:16

I maining bel mila ngoro ana numila na titol. A palaomila i kes purum amon, ika di atona a ingumila ana pukakiarla rop.

Galesia 6:9

Gong dala ngoro ana wakak a titolla ning dala toli, pa gong dala manah kusuni. Ning a pukakiar i sot, dalar tong akes pas a wana nundala a titol.

2 Tesalonika 3:13

Pa tetek mulo na tastasimitol, mulor rakrakai sur mulor tol a tostos a toltol, pa gong a palaomulo i ngol onoi.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 12:5

Mulo ka duman sen a warwarala na arakrakai ning e God i atongi tetek mulo a natnatnala larne, “Natuklik, ning a Leklek i atostos u, gong u nuki mang a utna oros ka, pa gong u bulnga ning i atong puasa anuma toltol laulaula tetek u.

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

1 Pita 2:23

Ning di atong laulau i, bel i kelesi. Ning di akadiki, bel i balakut pa bel i atong tar ta warwara mang ir alaulau la. I noren tari ot na kuna e God, esaning anuna warkurai i tostos.

Tatatai 2:3

Mulo ka kilang a kankan anasa mulo anuki, ika bel mulo palaona ngorngoro, mulo gomo rakrakai ot.